Z-za składanaj situacyi na ŭschodzie hałoŭnakamandujučy USU dvoje sutak pravioŭ na pieradavoj
Hienierał-pałkoŭnik Alaksandr Syrski naviedaŭ pieradavuju, dzie praciŭnik zasiarodziŭ asnoŭnyja siły dla nastupu, piša «Ukrainskaja praŭda».
Syrski naviedaŭ častki, jakija viaduć abarončyja dziejańni na Pakroŭskim i Kurachaŭskim napramkach, heta značyć na kirunku hałoŭnaha ŭdaru praciŭnika. Mienavita tut skancentravany asnoŭnyja ŭdarnyja siły voraha, jaki sprabuje prarvać abaronu i, raźvivajučy pośpiech, vyjści da bujnych nasielenych punktaŭ Kurachava i Pakroŭsk na zachad ad Daniecka.
Syrski adznačyŭ, što pravioŭ pracu z kamandzirami, pryniaŭ nieabchodnyja rašeńni pa ŭzmacnieńni abarony reziervami, vyłučeńnie dadatkovaj kolkaści rakiet, bojeprypasaŭ, srodkaŭ radyjoelektronnaj baraćby i bieśpiłotnikaŭ, a taksama da Dnia piachoty ŭručyŭ uznaharody najlepšym voinam, jakija vyznačylisia ŭ bajach z akupantami.
Kamientary