«Ubludok jeb***yj bł***». Hałoŭny trenier «Niomana» zahavaryŭ na «movie futboła» ŭ žyvym efiry
Ihar Kavalevič byŭ vielmi niezadavoleny sudziejstvam u matčy ź minskim «Dynama».
Hałoŭny trenier futbolnaha hrodzienskaha «Niomana» Ihar Kavalevič viadomy rezkimi vykazvańniami i nie zaŭsiody karektnymi pavodzinami na poli. Napiaredadni ŭ jahonym prafajle źjaviŭsia jašče adzin padobny epizod.
«Nioman» prymaŭ minskaje «Dynama» ŭ paŭfinalnym matčy ŭ adkaz Kubka Biełarusi. Pieršy tajm zaviaršyŭsia pa nulach, što nie zadavalniała Hrodna, bo ŭ pieršaj hulni minčuki pieramahli ź likam 1:0. Idučy ŭ padtrybunnaje pamiaškańnie na pierapynak, Kavalevič daŭ nie zusim pachvalnuju charaktarystyku sudździ.
«Ubludok jeb***yj bł***», — davoli hučna vykazaŭsia trenier. Ale jon nie ŭličyŭ, što mienavita ŭ hety momant jaho pakazvali ŭ žyvoj tranślacyi pa «Biełaruś 5».
Kamientatar Pavieł Baranaŭ pažartavaŭ, što Kavalevič «zahavaryŭ na movie futboła». Treniera, darečy, u druhim tajmie naohuł vydalili z pola za sprečki z sudździami. Ale jahony «Nioman» zmoh zabić dva miačy i prabicca ŭ finał Kubka, dzie zhulaje z «Isłačču».
Kamientary