Kiroŭca aŭtarykšy ź Indyi kupiŭ tur praź Biełaruś i zahinuŭ u biełaruskim lesie
Paviedamlajecca, što tur kaštavaŭ jamu 14 300 dalaraŭ.
45-hadovy kiroŭca aŭtarykšy, rodam ź vioski Hanna (Ganna), što ŭ štacie Piendžab na poŭnačy Indyi, zahinuŭ u lesie Biełarusi, kali nakiroŭvaŭsia ŭ Italiju, piša tribuneindia.com.
Machindžer Pał Sinhch źjechaŭ ź vioski 4 śniežnia, zapłaciŭšy 12 miljonaŭ rupij (14 300 dalaraŭ) turystyčnamu ahientu z Džamy.
«Ciaham čatyroch miesiacaŭ ahient praciahvaŭ adpraŭlać majho brata pieššu z adnoj krainy ŭ inšuju. Jany nie zabiaśpiečyli jaho ni transpartam, ni narmalnaj ježaj. Choć my da hetaha času nie viedajem pryčynu jaho śmierci, nas prymušajuć pavieryć, što jon, mahčyma, pamior z-za krajniaj słabaści i hoładu», — skazaŭ małodšy brat Machindera Dcharminder.
Siamja, adnak, nie vyklučaje viersiju zabojstva.
«Apošni raz my razmaŭlali ź im 23 sakavika, taksama pa telefonie ahienta. Paśla hetaha my praciahvali telefanavać ahientu, kab jon moh źvieści nas z maim bratam, ale jon praciahvaŭ prasić u nas jašče hrošaj. Pakolki my nie mahli ź im pahavaryć, u nas uźnikła napružańnie. Tamu my źviazalisia z pasolstvami ŭ Rasii i Biełarusi, dzie nam paviedamili, što Machindera bolš niama», — skazaŭ Dcharminder.
Padrabiaznaści incydentu nie pryvodziacca.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio17
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary