Hetaj nočču ŭzrovień mahnitnaj bury na Ziamli byŭ maksimalnym — G5, ciapier jaje intensiŭnaść źniziłasia, ale ŭsio jašče zastajecca vysokaj, paviedamili navukoŭcy.
Stupień napružanaści mahnitnaha pola Ziamli źniziłasia z maksimalnaha ŭzroŭniu G5, ale praciahvaje zastavacca vysokaj, paviedamlajecca na sajcie łabaratoryi soniečnaj astranomii Instytuta kaśmičnych daśledavańniaŭ i Instytuta soniečna-ziamnoj fiziki Rasijskaj akademii navuk, piša RBK.
«Bura ŭ mahnitaśfiery ziamli praciahvajecca. Napružanaść za try hadziny krychu źniziłasia — prykładna na 15%. Biahučy ŭzrovień — G4.3 (usio jašče ekstremalna mocny). Na hety momant štorm trymajecca na ŭzroŭni G4+ užo 15 hadzin», — havorycca ŭ paviedamleńni ad 10:05.
Zatym stupień uzbudžanaści mahnitnaha pola Ziamli ŭpała da ŭzroŭniu G3 (mocny).
Navukoŭcy adznačali raniej, što hetaja mahnitnaja bura — najmacniejšaja za apošnija dva dziasiatki hadoŭ. Nacyjanalnaje ŭpraŭleńnie akijaničnych i atmaśfiernych daśledavańniaŭ ZŠA (NOAA) paviedamlała, što hieamahnitnaja bura ŭpieršyniu z 2003 hoda dasiahnuła maksimalnaha ŭzroŭniu G5.
Taksama viadoma, što mahnitnaja bura moža paŭpłyvać na kaśmičnyja aparaty, naziemnyja kamunikacyi (parušeńni suviazi, pracy enierhietyčnych sistem). Akramia taho, padčas bur stanovicca vidać palarnaje źziańnie na šyrotach až da ekvatara.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary
mnie błaha było 8-9 traŭnia. a da niekatorych tolki zaraz pačynaje dalatać.. nu što ž...)