U Niamieččynie zatrymali 12 mihrantaŭ, jakija dabralisia ŭ krainu praź Biełaruś
Mihracyjny kryzis na miežach Biełarusi i krain ES praciahvajecca ź viasny 2021 hoda. U Niamieččynie za sutki zatrymali dźvie hrupy mihrantaŭ, jakija dabralisia da ES praź Biełaruś, piša Radyjo Svaboda sa spasyłkaj na niamieckuju palicyju.
Šeść ź ich zatrymali ŭviečary 13 maja paśla telefanavańnia miascovaha žychara. Jany pry sabie mieli dziejnyja afhanskija pašparty ź biełaruskimi i rasijskimi vizami.
Pry dalejšaj praviercy vyśvietliłasia, što adzin ź ich pakazaŭ pašpart svajho stryječnaha brata, bo jaho ŭłasny byŭ źniščany ŭ Biełarusi. Jamu vystavili abvinavačańnie ŭ vykarystańni čužych dakumientaŭ.
Jašče šaściarych mihrantaŭ — dvuch hramadzian Jemiena, dvuch siryjcaŭ, adnaho hramadzianina Maroka i adnaho hramadzianina Samali — zatrymali ranicaj 15 maja kala Pleviena. Try ź ich mieli pašparty z rasijskimi vizami, u astatnich dakumientaŭ nie było.
Usie 12 mihrantaŭ prybyli ŭ Niamieččynu praz Rasiju, Biełaruś i Polšču.
Mihracyjny kryzis na miažy Biełarusi i krain ES praciahvajecca ź viasny 2021 hoda da siońnia. Z pačatku 2024 hoda zafiksavana ŭžo 13 367 sprobaŭ nielehalnaha praniknieńnia ŭ krainy ES ź biełaruskaj terytoryi.
Kamientary