У Нямеччыне затрымалі 12 мігрантаў, якія дабраліся ў краіну праз Беларусь
Міграцыйны крызіс на межах Беларусі і краін ЕС працягваецца з вясны 2021 года. У Нямеччыне за суткі затрымалі дзве групы мігрантаў, якія дабраліся да ЕС праз Беларусь, піша Радыё Свабода са спасылкай на нямецкую паліцыю.
Шэсць з іх затрымалі ўвечары 13 мая пасля тэлефанавання мясцовага жыхара. Яны пры сабе мелі дзейныя афганскія пашпарты з беларускімі і расійскімі візамі.
Пры далейшай праверцы высветлілася, што адзін з іх паказаў пашпарт свайго стрыечнага брата, бо яго ўласны быў знішчаны ў Беларусі. Яму выставілі абвінавачанне ў выкарыстанні чужых дакументаў.
Яшчэ шасцярых мігрантаў — двух грамадзян Емена, двух сірыйцаў, аднаго грамадзяніна Марока і аднаго грамадзяніна Самалі — затрымалі раніцай 15 мая каля Плевена. Тры з іх мелі пашпарты з расійскімі візамі, у астатніх дакументаў не было.
Усе 12 мігрантаў прыбылі ў Нямеччыну праз Расію, Беларусь і Польшчу.
Міграцыйны крызіс на мяжы Беларусі і краін ЕС працягваецца з вясны 2021 года да сёння. З пачатку 2024 года зафіксавана ўжо 13 367 спробаў нелегальнага пранікнення ў краіны ЕС з беларускай тэрыторыі.
Цяпер чытаюць
Шрайбман з калегамі прапанавалі пакрокавы план дээскалацыі адносін Беларусі і ЕС53
Каментары