Incydent u punkcie propusku «Miedniki — Kamienny Łoh». Pamiežny punkt nie pracavaŭ niekalki hadzin
Siońnia, 16 maja, siarod dnia na niejki čas spyniaŭ pracu punkt propusku «Miedniki» («Miadzininkaj») na miažy Litvy i Biełarusi. Pierachod zakryvali litoŭskija pamiežniki paśla incydentu z udziełam mihrantaŭ.
Jak paviedamlaje 15min.lt, siem kubinskich hramadzian, jakich viartali ŭ Biełaruś praz «Miedniki», admovilisia pakinuć krainu i spynilisia na prajeznaj častcy, na KPP časova spynili ruch. Kubincy ciapier viernuty ŭ Litvu.
«Ciapier ruch na punkcie adnoŭleny. U metach zabieśpiačeńnia narmalnaj pracy punkta mihrantaŭ časova pieravoziać u adno z padraździaleńniaŭ Centra rehistracyi zamiežnikaŭ», — paviedamiŭ pradstaŭnik Słužby biaśpieki Hiedrus Mišucis.
Punkt propusku nie pracavaŭ kala troch hadzin. Prykładna a 14.00 jon byŭ znoŭ adkryty, piša «Lusterka».
Kamientary