UEFA pakarała 13 jeŭrapiejskich futbolnych kamand, siarod jakich i «Šachcior» z Salihorska. Instancyja pa finansavym kantroli kłubaŭ ŭžyła da ich sankcyi ŭ suviazi sa źjaŭleńniem praterminavanaj zapazyčanaści pierad inšymi kłubami, supracoŭnikami i/abo sacyjalnymi albo padatkovymi orhanami, a taksama padaču niedakładnaj infarmacyi pra takuju zapazyčanaść.
«Šachcior» i turecki kłub «Adana Demirspor» adchilenyja ad jeŭrakubkaŭ na najbližejšy siezon, u jaki jany tudy trapiać (sankcyja raspaŭsiudžvajecca na siezony z 2025/26 pa 2027/28). Akramia taho, «Šachcior» aštrafavany na 1 010 000 jeŭra. Heta było paćviardžeńnie vierdyktu, jaki pierad hetym vyniesła pieršaja instancyja i na jaki abodva kłuby padali apielacyjnyja zvaroty.
Astatnija kłuby, siarod jakich i dastatkova mocnyja dy viadomyja, atrymali krychu miakčejšyja pakarańni. Tak, partuhalskija «Portu» i «Viktoryja» z Himaraeša, a taksama bałharski CSKA z «Safii» atrymali tolki ŭmoŭnaje vyklučeńnie ź jeŭrakubkaŭ, im dadzienyja vyprabavalnyja terminy, ciaham jakich jany musiać pakryć svaje zapazyčanaści.
Akramia «Šachciora», jašče 11 kłubaŭ aštrafavanyja na sumy ad 1,5 młn da 10 tysiač jeŭra. Siarod hetych kłubaŭ, aprača zhadanych «Portu», «Vitoryi» i CSKA — hruzinskaje «Dynama» z Tbilisi, partuhalskaja «Braha», sierbski «Partyzan» ź Biełhrada, turecki «Hałatasaraj», ispanski «Reał Bietys», kazachstanski «Ardabasy» z Šymkienta, łatvijskija «Ryha» i «Auda».
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary