Śviet

Biesparadki ŭ Novaj Kaledonii — žandary razbłakavali darohu z aeraporta, likvidavaŭšy 76 barykadaŭ i zavałaŭ

Da poŭnaha padaŭleńnia biesparadkaŭ, adnak, jašče daloka.

Francuzskija žandary patrulujuć vulicy Numiea, Novaja Kaledonija. 16 maja 2024 hoda. Fota: AP Photo/Cedric Jacquot

Pradstaŭnictva centralnych francuzskich uładaŭ u paniadziełak abviaściła, što siły pravaparadku razbłakavali darohu pamiž aeraportam i stalicaj hetaj cichaakijanskaj zamorskaj terytoryi Francy Numiea. Da poŭnaha padaŭleńnia biesparadkaŭ, adnak, jašče daloka, piša Bi-bi-si.

Vysokaja kamisija Novaj Kaledonii paviedamlaje, što žandary likvidavali na 40-kiłamietrovaj darozie 76 barykad i zavałaŭ, i što kančatkova daroha budzie rasčyščana, u tym liku ad zharełych aŭtamabilaŭ, u bližejšyja dni.

Kali aeraport znoŭ adkryjecca dla kamiercyjnych rejsaŭ, ułady pakul nie havorać.

U zajavie Vysokaj kamisii havorycca, što noč ź niadzieli na paniadziełak prajšła spakajniej, čym usie papiarednija nočy: va ŭsioj Novaj Kaledonii zafiksavanyja ŭsiaho adzin surjozny pažar i niekalki vypadkaŭ maradziorstva.

Adnak da poŭnaha spakoju jašče daloka. Mer stalicy Numiea Sonia Łahard na vychodnych skazała žurnalistam, što Novaja Kaledonija znachodzicca «na abłohavym stanoviščy».

Pavodle jaje słoŭ, udzielniki biesparadkaŭ padpalili mnostva hramadskich budynkaŭ na archipiełahu, i situacyja zastajecca niespakojnaj niahledziačy na toje, što ŭ Novuju Kaledoniju prybyli sotni francuzskich palicejskich.

Biesparadki praciahvajucca ŭžo niekalki dzion, zahinuli šeść čałaviek.

Biesparadki ŭ Novaj Kaledonii pačalisia paśla taho, jak parłamient Francyi pryniaŭ zakon ab źmienie paradku vybaraŭ u miascovy zakanadaŭčy schod. Zhodna z papraŭkami, jakija byli kančatkova zaćvierdžanyja ŭ sieradu, prava hołasu atrymajuć pryjezdžyja z Francyi, jakija pražyli ŭ Novaj Kaledonii 10 hadoŭ.

Heta vyklikała niezadavolenaść mnohich kanakoŭ — karennaha nasielnictva Novaj Kaledonii: jany aścierahajucca, što palityčnaja vaha ich abščyny ciapier źnizicca.

Sa słoŭ aficyjnych asob, u subotu ŭ pierastrełcy na impravizavanym błokpoście na poŭnačy terytoryi byŭ zabity ŭžo šosty čałaviek z pačatku biesparadkaŭ. Jašče dvoje atrymali ranieńni.

Raniej paviedamlałasia ab hibieli troch kanakoŭ va ŭzroście ad 17 da 36 hadoŭ i dvuch palicejskich.

U dadatak da 1700 palicyjantaŭ, jakija ŭžo znachodzilisia na terytoryi, ułady Francyi dasłali jašče kala 1000 žandaraŭ.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet8

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet

Usie naviny →
Usie naviny

Častka iranskich rakiet iznoŭ prabiła «Žalezny ščyt» Izraila, adzin hmach razburany daščentu5

Na fonie vajskovaha parada Trampa ŭ Vašynhtonie pa ŭsioj Amierycy prajšli pratesty1

Patryjarch Kirył dramatyčna raskazaŭ, jak nataŭcy adpravili nasustrač jamu hrozny źniščalnik F-165

Tramp prahraziŭ Iranu atakaj «na ŭzroŭni, jaki nikoli raniej nie bačyli», kali toj napadzie na ZŠA2

Ci sapraŭdy ŭ Turcyi sioleta paŭpustyja plažy?

Pientahon pavinšavaŭ amierykancaŭ z Dniom Ściaha vyjavaj rasijskaha fłaha4

«My tak i pa Minsku projdziemsia». U Varšavie adbyŭsia vialiki hiej-prajd, było šmat bieł-čyrvona-biełych ściahoŭ FOTY30

Biełaruski śviatar rastłumačyŭ, ci možna dzieciam hulać z šalona papularnymi monstrykami łabubu8

Što budzie, kali nie kasić travu, vyšejšuju za 20 santymietraŭ?3

bolš čytanych navin
bolš łajkanych navin

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet8

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet

Hałoŭnaje
Usie naviny →

Zaŭvaha:

 

 

 

 

Zakryć Paviedamić