Hramadstva1919

Znakamity hmach u centry Varšavy śviaciŭsia sinim — pryčym tut Prakopjeŭ?

U niadzielu ŭviečary na adnym z hałoŭnych simvałaŭ polskaj stalicy zaŭvažyli niezvyčajnaje padśviatleńnie. Akazałasia, heta źviazana ź Biełaruśsiu.

Pałac navuki i kultury ŭ samym centry Varšavy — upadabanaja fotazona ŭsich haściej i žycharoŭ horada. Budynak, jaki vielmi nahadvaje hmachi MDU, MZS i anałahičnyja žyłyja damy ŭ Maskvie, paśla vajny byŭ pabudavany jak «padarunak SSSR polskamu narodu».

Hety hmach — nie tolki architekturnaja daminanta centra polskaj stalicy i pryčyna lutych sprečak na temu «znosić ci nie znosić», ale jašče i svojeasablivy majak. Časam na pałacy źjaŭlajecca jarkaje kalarovaje padśviatleńnie, kali jość hodnaja nahoda.

Tak, na Dzień niezaležnaści i inšyja vialikija dziaržaŭnyja śviaty stalinka afarboŭvajecca ŭ bieła-čyrvonyja kolery polskaha ściaha. A 9 žniŭnia pałac na adzin viečar stanovicca biełaruskim — u bieł-čyrvona-biełych kolerach. Takim čynam ułady Varšavy demanstrujuć salidarnaść ź biełaruskim demakratyčnym rucham. U Suśvietny Dzień Ziamli hmach zvyčajna padśviatlajecca biełym, a, naprykład, u dzień raspaŭsiudžvańnia infarmacyi ab VPČ — fijaletavym.

Uviečary ŭ niadzielu adzin z bakoŭ budynka afarbavaŭsia ŭ sini koler. Nijakich śviataŭ abo mižnarodnych akcyj u hety dzień nie było. Na sens hetaj padśvietki ničoha nie pakazvała. Ale nieŭzabavie stała viadoma, što padśviatleńnie źviazana ź Biełaruśsiu.

Ranicaj u paniadziełak Błok Prakopjeva-Jahorava, jaki ŭdzielničaje ŭ vybarach u Kaardynacyjnuju radu, raspaŭsiudziŭ zvarot śpikiera KR Andreja Jahorava. Jon pramaŭlaŭ na fonie pałaca, jaki śviaciŭsia sinim. I zajaviŭ, što stalinka «stała Majakom biełarusaŭ śvietu». Jahoraŭ u zvarocie padziakavaŭ za padtrymku i vyrašeńnie pytańnia z padśvietkaj prezidenta Varšavy Rafała Tšaskoŭskaha.

«Naša Niva» spytała ŭ inšaha lidara błoka Vadzima Prakopjeva pra mety hetaha pierfomansu. Hramadski dziejač adkazaŭ koratka:

«Navošta my padśviatlili hmach u Varšavie? Kab našyja ŚMI ŭbačyli narešcie vybary, jakija va ŭpor admaŭlajucca zaŭvažać. Kab raspaviali pra prahramy kožnaha śpisu, i kab rehularnyja debaty pravodziŭ nie ŭkrainski błohier, a našyja demakratyčnyja niezaležnyja ŚMI».

Na pytańnie ab tym, kolki kaštavała takoje padśviatleńnie, u štabie błoka adkazvać nie stali. Sam Prakopjeŭ na debatach z Paŭłam Łatuškam raspavioŭ, što na padśvietku «skinulisia pa 12 dalaraŭ usie ŭdzielniki śpisa». Nam viadoma, što dla arhanizacyi hetaj akcyi daviałosia prajści šmat uzhadnieńniaŭ z haradskimi ŭładami. Pytańnie sapraŭdy dajšło da kiraŭnika horada, jaki dazvoliŭ padśviatlić Pałac navuki i kultury ŭ kolery Błoka Prakopjeva-Jahorava.

Vybary ŭ Kaardynacyjnuju radu projduć anłajn 25-27 traŭnia. Hałasavać možna budzie tolki pry najaŭnaści sapraŭdnaha abo praterminavanaha biełaruskaha pašparta.

U vybarach udzielničajuć 12 vybarčych śpisaŭ: «Salidarnaść» Hieorhija Dźmitruka, «Vola» Vadzima Kabančuka, «Jeŭrapiejski vybar» Alaksandra Dabravolskaha, «Naša sprava» Rozy Turanbiekavaj, «Zakon i pravaparadak» Alaksandra Azarava, «Nołas dyjaspar — adzinstva nad miežami» Nadziei Nortan, «Niezaležnyja biełarusy» Maksima Šabuckaha, Błok Prakopjeva-Jahorava, kamanda Łatuški i ruch «Za Svabodu», «Chopić bajacca» Taćciany Martynavaj, «Kraina dla žyćcia» Vitala Saviuka i «Moładzievy nastup» Lizaviety Prakopčyk.

Kamientary19

  • Striptiz
    21.05.2024
    Mnoho dienieh u malčišiek, mohut pozvoliť siebie zabavu
  • Tak
    21.05.2024
    [Red. vydalena]
  • RŁB
    21.05.2024
    Kastuś, vnutrividovaja "diemokratičieskaja" boŕba za piŝievyje riesursy.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy22

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy

Usie naviny →
Usie naviny

«U nas u Litvie prosta tak nie bjuć». Źbity žurnalist «Małanki» raskazaŭ, jak idzie rasśledavańnie incydentu13

«Dezaryjentavany SPA Ukrainy». U Litvie nazvali najbolš vierahodnuju viersiju, čamu na jaje terytoryju znoŭ zalacieŭ čužy dron3

Tramp: Kali Iran znoŭ pačnie jadziernuju prahramu, my jaho chutka źniščym1

Śledam za servisami «Aerafłotu» ŭ Rasii lahli i «Dziaržpasłuhi»3

Śvietłahorskaha aktyvista Anatola Źmitroviča asudzili za paklop na Łukašenku

Łukašenka znoŭ sustreniecca z Pucinym1

Što stała pryčynaj śmierci troch rabotnikaŭ «Biełarusnafty» padčas ramontu na trasie1

Kitaj upieršyniu ŭvodzić hrašovyja vypłaty na dziaciej — 500 dalaraŭ u hod za kožnaje dzicia da troch hadoŭ2

U DTZ pad Varšavaj zahinuŭ biełarus1

bolš čytanych navin
bolš łajkanych navin

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy22

SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy

Hałoŭnaje
Usie naviny →

Zaŭvaha:

 

 

 

 

Zakryć Paviedamić