Šrajbman: Vybary ŭ KR — tannaja treniroŭka dla aktyva. Ale biełarusam unutry Biełarusi jany nie treba
Palityčny analityk Arciom Šrajbman u jutub-prahramie «Časiki tikajut» padzialiŭsia dumkami adnosna taho, jakaja karyść ad vybaraŭ u Kaardynacyjnuju radu i kamu jany ŭvohule treba.
Na dumku Šrajbmana, hetyja vybary majuć peŭnaje značeńnie tolki i vyklučna dla dyjaspary:
«Biełarusam unutry Biełarusi [jany] nie patrebnyja. U [hetych] biełarusaŭ zusim inšyja prablemy».
Adnosna taho ž, ci patrebnyja vybary biełarusam za miežami baćkaŭščyny, analityk adkazvaje stanoŭča:
«Dyjaspary, palityzavanamu aktyvu, samim demakratyčnym siłam — tak, patrebnyja. Tamu što heta test instrumientaŭ, jakija mohuć kaliści spatrebicca na bolšym maštabie. Nu voś ujavim: u nas niejkaja novaja realnaja palityzacyja. I ŭžo jość adpracavanaja prahrama, užo jość niejkaje razumieńnie tonkich miescaŭ, dzie moža parvacca. Užo jość razumieńnie, što ŭ nas novyja asoby ŭ palitycy, jakija mohuć hienieravać padtrymku».
Užo hetyja vybary, jak ličyć Šrajbman, ź inšaha boku padśviacili asobu Paŭła Łatuški:
«Łatuška, miarkujučy pa apytańniach, pakazvaje, što lepš za ŭsich spraŭlajecca z hetym, prynamsi ŭnutry pratestnaha jadra. Heta taksama važna razumieć, my ž hetaha nie viedali. U Łatuški nie było nijakich mahčymaściaŭ pakazać siabie jak elektaralnaha palityka. Jon prosta pryjšoŭ i skazaŭ: «Ja Pał Pałyč, ja byŭ ministram, prymajcie mianie takim, jaki ja jość».
Nu, i pry ŭsim našym skiepsisie ŭ dačynieńni Pał Pałyča treba pryznać, što jon apieluje da niejkaj kankretnaj aŭdytoryi, i vielmi paśpiachova apieluje. Jahonaja aŭdytoryja — heta nie niejkaja typovaja moładzievaja, chipstarskaja, smuzi, zmaharskaja tusovačka. Jon u nas bolš pa siarednim uzroście i vyšej. Efiektyŭny kamunikatar, jak akazałasia. I vybary dazvalajuć heta pravieryć, prajavić i pakazać».
U kožnym razie, škody ad hetaj palityčnaj kampanii, jak miarkuje Arciom Šrajbman, nie budzie, bo jana jeści nie prosić:
«Tamu što heta ŭsio nie biez tołku, nie patrabuje hrošaj biełaruskich padatkapłatnikaŭ. U kožnym razie heta nie toje, što adryvaje resursy. Heta adnosna tannaja biesprablemnaja treniroŭka dla samoha aktyva».
U Biełarusi błakujuć VPN. Što adbyvajecca i jak abyści błakavańnie?
Za pieršy dzień vybaraŭ u Kaardynacyjnuju radu prahałasavali 2463 čałavieki
Błok Prakopjeva-Jahorava rekłamavali na Tajms-skvier
Cichanoŭskaja: Vybary ŭ KR — heta pieršaja sproba arhanizavać niezaležny vybarčy praces, čaho biełarusy byli pazbaŭlenyja dziesiacihodździami
Vyhladaje, što zboi ŭ pracy internetu ŭ Biełarusi źviazanyja z pačatkam anłajn-hałasavańnia na vybarach u Kaardynacyjnuju radu
Kamientary
Skora skpnčajeccp termin prezidenstva(🤣🤣🤣) Cichanoŭskaj i Zachadu patrebien orhan raźmierkavańnia dapamohi.
Voś jany i stvarajuć hetuju radu.