U Baranavičach ludzi zarazilisia kleščavym encefalitam, choć klaščy ich nie kusali
U hetym hodzie ŭ Baranavickim rajonie zarehistravanyja try vypadki kleščavoha encefalitu. Pry hetym, jak adznačyli ŭ Baranavickim zanalnym centry hihijeny i epidemijałohii, zaražeńnie adbyłosia nie pry ŭkusach klaščoŭ, a pry ŭžyvańni ŭ ježu syroha kazinaha małaka i praduktaŭ ź jaho.
Virus zvyčajna pieradajecca praz ukusy inficyravanych klaščoŭ, adnak nie vyklučanaje i zaražeńnie praź ježu.
Tamu miedyki rajać u «pieryjad klaščoŭ» — z krasavika pa listapad — nie ŭžyvać u ježu syroje kazinaje małako i pradukty, pryhatavanyja ź jaho, biez termičnaj apracoŭki.
Virus kleščavoha encefalitu hinie pry dvuchchvilinnym kipiačeńni. U śviežym małace virus zachoŭvajecca bolš za 7 dzion, u tvarahu — 14 dzion, u maśle — bolš 2 miesiacy.
Kleščavy encefalit — heta vostraje virusnaje zachvorvańnie. Prajaŭlajecca pavyšeńniem tempieratury, mocnaj hałaŭnym bolem, bolami ŭ sustavach, ciahlicach. Chvaroba moža vyklikać invalidnaść i navat pryvodzić da śmiarotnaha vyniku.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary