U Minsku milicyja zładziła rejdy pa barach — i zaviała šmat kryminalnych spraŭ
Pravieryli 300 zon adpačynku.
Skrynšot videa: Milicyja Minska
Staličnaja milicyja vyrašyła pravieryć miescy adpačynku moładzi. Usiaho siłaviki pravieryli 300 zon adpačynku — šukali ŭ asnoŭnym narkotyki.
U aficyjanta i barmena adnaho z restaranaŭ na pracoŭnym miescy znajšli hašyš. U Kastryčnickim rajonie słužbovy sabaka vyjaviŭ u naviedvalnika kafe razavuju dozu marychuany — akazałasia, jon jaje vyroščvaje doma.
Dvoje žycharoŭ Frunzienskaha rajona byli zatrymanyja pry prodažy 50 hramaŭ hašyšu. Supracoŭniki DAI zatrymali mienčuka, jaki kiravaŭ aŭto ŭ narkatyčnym apjanieńni, pry sabie ŭ jaho vyjavili psichatropnyja.
U staličnaj milicyi zajavili, što pa vynikach rejdaŭ raspačali 10 kryminalnych spraŭ za niezakonny abarot narkotykaŭ. Mierapryjemstvy buduć praciahvacca.
Kamientary