Siarod palitźniavolenych-žančyn u Homieli, u jakich u traŭni zakončylisia terminy źniavoleńnia — Volha Baruška, aniestezijołah-reanimatołah ź Minska, piša «Homielskaja viasna».
Volha Baruška, jakaja pracavała ŭ Minskim navukova-praktyčnym centry chirurhii, transpłantałohii i hiematałohii, była zatrymanaja naprykancy žniŭnia 2022 hoda i za kamientary ŭ internecie abvinavačanaja pa art. 368 Kryminalnaha kodeksa (abraza Łukašenki) i art. 369 (abraza pradstaŭnika ŭłady).
22 śniežnia 2022 hoda žančyna była prysudžanaja sudom Maskoŭskaha rajona Minska da 2 hadoŭ pazbaŭleńnia voli ŭ kałonii ahulnaha režymu. Spravu razhladała sudździa Kaciaryna Muraška.
15 sakavika 2023 hoda pravaabaroncy pryznali Volhu Barušku palitźniavolenaj. U siaredzinie krasavika 2023 hoda jana była pieraviedzienaja ŭ SIZA № 1 u Homieli, a zatym u žanočuju kałoniju № 4.
Padčas źniavoleńnia Volhi jaje simvaličnaj «chrosnaj» abjaviła siabie vice-staršynia parłamienta Narviehii Inhryd Fiska, jakaja takim čynam vykazała Volzie padtrymku i paćvierdziła, što ŭ demakratyčnych krainach jana pryznavałasia palitźniavolenaj.
Ciapier čytajuć
Što pościać biełaruskija sielebrycis, jakija apynulisia pad bombami i dronami ŭ krainach Bližniaha Uschodu4
Kamientary
I niejki ździek z hetymi sytymi namenklaturnymi zamiežnymi kamunistami, jakija pnucca ŭ niejkija chrosnyja, źnievažajuć jak chryścijanstva tak i spekulujuć na čužoj biadzie.