U Sievastopali prajšoŭ čempijanat pa spartyŭnym prahramavańni «Kod śvietu», kudy arhanizavana studentaŭ BDUIR vyviez vykładčyk univiersiteta Vadzim Uładymcaŭ. Pavodle infarmacyi manitorynhavaj hrupy iSANS, heta pieršy vypadak, kali studentaŭ biełaruskaj ustanovy adukacyi vyvoziać na akupavanyja Rasijaj terytoryi Ukrainy ź viedama hetaj ustanovy.
U spabornictvach u Krymie, akramia studentaŭ BDUIR, udzielničali taksama kamandy z akupavanych Kryma, častak Zaparožskaj i Danieckaj abłaściej Ukrainy, akupavanaj častki Hruzii, a taksama z Azierbajdžana, Kyrhyzstana i inšych.
«Jość usie padstavy zrabić vysnovu, što vykładčyk BDUIR arhanizavana vyviez studentaŭ BDUIR dla ŭdziełu ŭ turniry, jaki mała taho, što prachodziŭ na akupavanaj terytoryi, ale i va ŭmovach udaraŭ z boku USU, što robić udzieł u takim turniry niebiaśpiečnym. Z pačatku 2024 hoda my nazirali niaŭchilny rost kantaktaŭ biełaruskich ustanoŭ adukacyi z akupavanymi terytoryjami, i ŭdzieł BDUIR u turniry «Kod śvietu» vyvodzić charaktar hetych kantaktaŭ na zusim inšy ŭzrovień», — padkreślivajuć u iSANS.
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary