Niu-madel Lina Capava raić Kamisaranku: Treba było zastupicca pierad hramadstvam i skazać: «Tak, heta maja žančyna, my razam»
U razmovie z «Našaj Nivaj» papularnaja biełaruskaja madel Lina Capava parazvažała pra kiejs Słavy Kamisaranki. Nahadajem, humaryst ažaniŭsia z ukrainkaj Julijaj Šaškovaj i tolki paśla daviedaŭsia, što jaho dziaŭčyna — byłaja vebkamščyca. Tak nazyvajuć tych, chto za hrošy raździavajecca na kamieru ci vykonvaje inšyja prośby klijenta.
«Naša Niva»: Zhadvajučy kiejs sa Słavam Kamisarankam, dla jakoha stała prablemaj, što jaho dziaŭčyna — byłaja vebkamščyca, ci nie było niejkich niezrazumiełaściaŭ u vašych stasunkach praz tvaju dziejnaść?
Lina Capava: Było paru momantaŭ, što Mikitu (Lina Capava sustrakajecca z błohieram Mikitam Miełkazioravym — «NN») pisali ŭ pryvatnyja paviedamleńni: «Oj, a što tvaja dziaŭčyna pościć». Ci: «Oj, u jaje voś takija zdymki». Ci kali byŭ tolki pieršy ci druhi dzień isnavańnia majho «Onlifans», jamu adrazu napisali: «A ty bačyŭ, što tam u jaje?».
Našy stasunki, mnie padajecca, heta supierpadtrymlivalnaja historyja na siońnia. Niama niejkich pytańniaŭ, asudžeńnia, nieparazumieńnia — u tym liku adnosna majoj dziejnaści. Kali b jano było, mnie było b dziŭna i ciažka zastavacca ŭ takich stasunkach, bo maja dziejnaść nie źjaviłasia dzień tamu. Kali my pačynali sustrakacca, heta ŭžo isnavała.
Jość ža historyi, kali chłopčyki pačynajuć sustrakacca z pryhožymi dziaŭčatami i potym kažuć: «Davaj, vydalaj svoj instahram, zakančvaj kamunikavać sa svaimi siabrami, i ŭ piatnicu ŭviečary ty nikudy nie idzieš». Mnie niablizkija nijakija abmiežavańni ŭ stasunkach, tolki kali ŭ płanie razumnaha.
U situacyi z Kamisarankam — lepiej jamu b było pramaŭčać. Tamu što vyhladała tak, nibyta jon taki biedny-niaščasny, usie jaho padstavili i padmanuli.
Dla mianie niezrazumieła, čamu čałavieku, jakomu chapiła davieru i pačućciaŭ da svajoj žančyny, kab zrabić joj prapanovu, nie chapiła hetaha, kab pierad hramadstvam za jaje zastupicca i skazać: «Nu tak, heta jana, heta maja žančyna, my razam, jość jašče niejkija pytańni?» Heta vyklikała b bolš pavahi, čym pazicyja maleńkaha chłopčyka — achviary abstavin.
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary