Jak śpiavaje Uładzimir Karatkievič? U internecie źjaviŭsia zapis pieśni ŭ vykanańni piśmieńnika
Zapis śpievu «Ćviardynia» ŭ vykanańni Uładzimira Karatkieviča, zrobleny dla mastackaha filma «Žyćcio i ŭźniasieńnie Jurasia Bratčyka» pavodle ramana «Chrystos pryziamliŭsia ŭ Harodni», vykłali na jutub-kanale TuzinFM, piša Budzma.org.
Zapis zrobleny ŭ 1967 hodzie, a film trapiŭ na ekrany tolki praz 22 hady.
Daśledčyk Viktar Siamaška piša:
«Nie mnohija zaŭvažajuć, što Uładzimir Siamionavič Karatkievič nie tolki napisaŭ scenar da stužki, ale i syhraŭ dźvie epizadyčnyja roli — ksiandza dy tataryna. Akrom taho, zaśpiavaŭ za kadram! Pieśnia ŭ roznych krynicach paznačajecca jak narodnaja albo jak staradaŭni himn.
Chutčej heta ŭsio ž ułasny tvor Karatkieviča sa spasyłkaj na psałmu Davida, dy vykanany piśmieńnikam u lirnickaj maniery, chacia i pad cymbały. Saŭndtrek da filma «Žyćcio dy ŭźniasieńnie Jurasia Bratčyka» napisaŭ kampazitar Aleh Karavajčuk, uradženiec Kijeva, i jon taksama, darečy, źniaŭsia ŭ epizodzie. Ad pačatku 60-ch da 90-ch kancerty Karavajčuka zabaranialisia, a tvory kanfiskoŭvalisia…»
U Maskvie pamierła mastactvaznaŭca, jakuju kachaŭ Karatkievič. Jana pakinuła darahuju kalekcyju ŭ spadčynu Pucinu
Łatuška: Kali byŭ ministram kultury, chacieŭ źniać film «Kałasy pad siarpom tvaim». Ideju adchiliŭ Makiej
«Dzikaje palavańnie karala Stacha» — pieramožca Nacyjanalnaj teatralnaj premii. Paśla 2020-ha z opiery prybrali repliku «Raman, vychodź!»
Hihin pryznaŭsia, što «Kałasy pad siarpom tvaim» vyklučyli sa školnaj prahramy ź jaho inicyjatyvy
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia13
Kamientary
"Źvioŭ mianie adnojčy los, adrazu paśla vajny, u Letuvie z adnym takim zvyšpatryjotam. Ja sam Biełarusi na mazol nastupić nikomu nie daŭ by, ale tut až navat mianie krychu nudzić pačało. «Naš Vitaŭt miačom u varoty Maskvy stukaŭ» (jak byccam ja maskvič). Nu ja jamu spakojna: «Stukaŭ, dy nie dastukaŭsia». Bo i praŭda ž, nie adčynili. Dyj uvohule, małapačcivy hety zaniatak: u čužyja dźviery stukać. "