Francuzskija ultrapravyja cicha vydalili prapanovy pa pahłybleńni supracoŭnictva z Rasijaj
Francuzskaja partyja «Nacyjanalnaje abjadnańnie» Maryn Le Pen i Žardana Bardeła napiaredadni daterminovych parłamienckich vybaraŭ nieprykmietna vydaliła sa svajho sajta šerah supiarečlivych palityčnych prapanoŭ.
Tak, z sajta partyi, jakuju ličać ultrapravaj, źnikli prapanovy pa pahłybleńni dypłamatyčnaha supracoŭnictva z Rasijaj, prypynieńni abaronnych prajektaŭ z Hiermanijaj i nieadkładnym vychadzie z abjadnanaha vajskovaha kamandavańnia NATA, piša Politico.
Hetyja prapanovy byli častkaj prahramy Maryn Le Pien na prezidenckich vybarach 2022 hoda. Tady partyja vystupała za dystancyjavańnie ad Vašynhtona i «aljans z Rasijaj u niekatorych pytańniach», pierš za ŭsio ŭ śfiery jeŭrapiejskaj biaśpieki i baraćby z teraryzmam.
Akramia taho, Le Pien abiacała nieadkładna vyjści z abjadnanaha vajskovaha kamandavańnia NATA, a taksama «pastavić kropku» na sumiesnych z Hiermanijaj abaronnych prajektach — siarod ich raspracoŭka tankaŭ i źniščalnikaŭ nastupnaha pakaleńnia.
Ciapier dakumienty z hetymi prapanovami źnikli z aficyjnaha sajta partyi. Raniej lidar «Nacyjanalnaha abjadnańnia» Žardan Bardeła zajaviŭ, što Francyi nie varta pakidać vajskovaje kamandavańnie NATA da zakančeńnia vajny va Ukrainie. A padčas kampanii pierad červieńskimi jeŭrapiejskimi vybarami partyja abvinavačvała Rasiju ŭ parušeńni mižnarodnaha prava.
«Nacyjanalnaje abjadnańnie» vyjhrała vybary ŭ Jeŭraparłamient u Francyi, nabraŭšy 31% hałasoŭ — udvaja bolš, čym prezidenckaja kaalicyja «Adradžeńnie». Prezident Francyi Emanuel Makron adreahavaŭ na takija vyniki rospuskam parłamienta i abviaščeńniem daterminovych vybaraŭ, jakija projduć 30 červienia i 7 lipienia.
«Idealny ziać» i zorka TikTok: u Francyi premjer-ministram moža stać 28-hadovy palityk
Makron raspuściŭ francuzski parłamient i abviaściŭ daterminovyja vybary
Mnohija jeŭrapiejskija ultrapravyja ŭžo daloka nie ultra. A staŭki Rasii znoŭ nie spracavali. Što jašče pakazali vybary ŭ Jeŭraparłamient
Partyja Mary Lo Pen razyšłasia z «Alternatyvaj dla Hiermanii»
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»19
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary