U polskich śledčych moža być DNK čałavieka, jaki śmiarotna paraniŭ pamiežnika na miažy ź Biełaruśsiu
Śledčyja, vierahodna, atrymali adbitki palcaŭ i ŭzory DNK čałavieka, jaki naprykancy maja śmiarotna paraniŭ polskaha pamiežnika na miažy ź Biełaruśsiu, pieradaje RMF FM.
Jak piša vydańnie, ekśpierty zdoleli praanalizavać niekatoryja ślady (u tym liku bijałahičnyja), što zastalisia na nažy zabojcy 21-hadovaha Matevuša Sitaka.
Pakul jašče nielha skazać absalutna dakładna, kamu jany naležać, ale isnuje vysokaja vierahodnaść, što heta adbitki palcaŭ i ŭzory DNK mienavita napadnika.
Vysnovy ekśpiertaŭ pieradadzienyja ŭ prakuraturu. Prakuratura aficyjna admaŭlajecca kamientavać vyniki ekśpiertyzy, tolki paćviardžaje, što jany atrymanyja. Taksama paviedamlajecca, što buduć pryznačanyja novyja daśledavańni. Pavodle infarmacyi vydańnia, atrymanyja vyniki ekśpiertyzy mienavita naža, a nie dreŭka, da jakoha jon byŭ prykručany.
28 maja na biełaruska-polskaj miažy nieviadomy ŭdaryŭ polskaha sałdata Matevuša Sitaka praz aharodžu nažom, pryviazanym da pałki. 6 červienia vajskoviec pamior.
Polski bok nibyta maje fatazdymak mužčyny, jaki nanios heta śmiarotnaje ranieńnie. Vyjavu ŭdałosia atrymać dziakujučy kamieram videanazirańnia na mačtach na miažy.
Na videa bačny złačyniec, chacia fatahrafija razmytaja. Paśla prachodžańnia śpiecyjalizavanaj apracoŭki stanie zrazumieła, nakolki vyraznaj budzie vyjava jaho tvaru.
«U napadnika asmuhłaja skura, što moža aznačać, što jon nie aficer biełaruskich słužbaŭ, a adzin ź mihrantaŭ, jakija znachodziacca na biełaruskim baku», — raskazaŭ žurnalistam čałaviek, znajomy z hetym zapisam.
Sikorski: Na zaklik znajści i vydać zabojcu pamiežnika Biełaruś adkazała abvinavačvańniami
U polskich uładaŭ jość fota zabojcy polskaha pamiežnika, jaki zahinuŭ na biełaruskaj miažy
Stała viadoma imia polskaha sałdata, jaki zahinuŭ na miažy ź Biełaruśsiu
Polski sałdat, paranieny mihrantam na biełaruskaj miažy, pamior
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary