Z ZŠA viartajecca Natalla Piatkievič — i adrazu pieršaj namieśnicaj kiraŭnika Administracyi prezidenta
Jana zajmała hetuju pasadu ŭ 2009—2010.
Pieršaj namieśnicaj kiraŭnika Administracyi prezidenta pryznačanaja 51-hadovaja Natalla Piatkievič. Jaje viarnuli ŭ najvyšejšuju ŭładu paśla doŭhaha pierapynku. Apošnija piać hadoŭ Piatkievič žyła ŭ ZŠA, choć znachodziłasia pad sankcyjami hetaj krainy.
Da źjaŭleńnia na palityčnym Alimpie Natalli Kačanavaj samaj vysokapastaŭlenaj žančynaj Biełarusi była jakraz Piatkievič. U 2001-2004 jana pracavała pres-sakratarom Alaksandra Łukašenki, a ŭ 2004-2010 była siarod kiraŭnictva Administracyi prezidenta, spačatku namieśnicaj, a paśla i pieršaj namieśnicaj.
U 2011-2014 Piatkievič była pamočnicaj Łukašenki, paśla čaho źnikła z radaraŭ paśla fejła sa zvankom Vavana i Leksusa pad vyhladam syna Janukoviča.
Na niejki čas jaje padabraŭ miljanier Alaksandr Šakucin i daŭ kiravać turystyčnym kirunkam svajho biznesu.
A ŭ 2018 Piatkievič vyjšła zamuž za Valancina Rybakova, pastajannaha pradstaŭnika Biełarusi pry AAN, i pierajechała da jaho ŭ Ńju-Jork. Heta vyhladała maksimalna kamična z ulikam taho, što Piatkievič zastavałasia pad amierykanskimi sankcyjami. Jakija, adnak, mieli vyklučeńnie dla členaŭ siemjaŭ dypłamataŭ, akredytavanych pry AAN.
Darečy, dla Piatkievič heta byŭ treci šlub. Pieršy jaje muž, Uładzisłaŭ Piatkievič, uznačalvaŭ Nacyjanalnyja łatarei. Druhi muž — Alaksandr Martynienka — daros da namieśnika staršyni BT.
U Natalli Piatkievič jość syn Filip, narodžany ŭ pieršym šlubie.
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku12
Kamientary