U suviazi z pahrozami biełaruskaha hienierała ŭžyć jadziernuju zbroju Navumčyk daŭ praktyčnyja parady minčukam
Načalnik Hienieralnaha štaba, pieršy namieśnik ministra abarony Biełarusi Pavieł Muraviejka ŭčora paabiacaŭ užyć taktyčnuju jadziernuju zbroju, kali ŭźniknie pahroza krainie. Publicyst Siarhiej Navumčyk prakamientavaŭ heta vykazvańnie hienierała.
«U śviatle biezadkaznych zajaŭ načalnika Hienštaba hienierała Muraviejki pra mahčymaść naniasieńnia ŭdaraŭ rasiejskaj jadziernaj zbrojaj z terytoryi Biełarusi — nastojliva raiŭ by pazbycca kvater pablizu ad rezidencyi «prezidenta» na pr. Pieramožcaŭ, administracyi «prezidenta» pa Karła Marksa, budynku KHB-FSB na centralnym praśpiekcie, budynku Minabarony, ofisaŭ inšych siłavych strukturaŭ, aeradromu Mačuliščy i vajskovych častak, rezidencyi «prezidenta» ŭ Astrašyckim haradku — słovam, usiaho taho, što abaviazkova budzie pradmietam niepaźbiežnych udaraŭ u adkaz na naniasieńnie ŭdaraŭ rasiejskaj jadziernaj zbrojaj z terytoryi RB pa krainach NATO albo pa Ukrainie. Bieražycie siabie!» — napisaŭ Navumčyk.
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9
Kamientary