Hramadstva22

Bialackaha ŭ Horackaj kałonii viarnuli z PKT u atrad i pazbavili pieradačaŭ

Nobieleŭski łaŭreat chodzić na drevaapracoŭku.

Bialacki ŭ sudzie. Fota: sb.by

U krasaviku-mai palitviaźnia Alesia Bialackaha viarnuli z PKT horackaj kałonii ŭ atrad, ale administracyja kałonii pa-raniejšamu stavicca da palitviaźnia zvyšpilna, piša Radyjo Svaboda.

«Viedajem, što jon znoŭ chodzić na pracu, na drevaapracoŭku. Byvaje, što na jaho nakładajuć spahnańni, pazbavili pieradač, byvajuć i bolš surjoznyja pakarańni — niejak siadzieŭ u ŠIZA. Uvaha da jaho paśla viartańnia z PKT nie stała słabiejšaj», — paviedamiła krynica.

Łaŭreat Nobeleŭskaj premii miru, staršynia pravaabarončaha centru «Viasna» Aleś Bialacki asudžany na 10 hadoŭ źniavoleńnia. Palitviazień adbyvaje pakarańnie ŭ kałonii № 9 u Horkach. U listapadzie 2023 hodu pavodle rašeńnia suda Alesia Bialackaha na paŭhoda źmiaščali ŭ PKT — pamiaškańnie kamiernaha typu, jakim karajuć za parušeńnie paradkaŭ u kałonii.

Jość źviestki, što Aleś Bialacki nie atrymlivaje karespandencyi ad svajakoŭ i siabroŭ i što nivodnaha razu ŭ palitviaźnia nie było videazvankoŭ sa svajakami. Tolki zredku na voli ad jaho atrymlivajuć listy i paštoŭki.

Pra stan zdaroŭja Alesia Bialackaha novaj infarmacyi niama.

«Viadoma, što ŭ vyniku byłoj adsiedki ŭ babrujskaj kałonii prablemy sa zdaroŭjem uźnikli i praciahvajucca. Jak jon ich vyrašaje, nieviadoma. Ale nibyta ŭ lakarniu nie traplaŭ. Dakładna viadoma, što jamu niemahčyma pieradać leki, značyć, zastajecca spadziavacca tolki na toje, što moža atrymać u miedyčnaj častcy kałonii», — paviedamiła krynica pra Alesia Bialackaha.

Pra psichałahičny stan palitviaźnia viadoma, što jon zachoŭvaje roŭny, narmalny nastroj, strymany ŭ vykazvańniach, acenki daje realistyčnyja, paviedamiła pra Alesia Bialackaha krynica, jakaja kantaktavała z abaznanymi ŭ spravach palitviaźnia ludźmi.

Pravaabaroncu Alesia Bialackaha i jahonych kaleh aryštavali 14 lipienia 2021 hodu. 3 sakavika 2023 hoda ŭ miežach palityčna matyvavanaj spravy staršynia pravaabarončaha centru «Viasna» byŭ asudžany na 10 hadoŭ pazbaŭleńnia voli. U kastryčniku 2022 hoda jamu prysudzili Nobieleŭskuju premiju miru.

Kamientary2

  • Acab
    02.07.2024
    [Red. vydalena]
  • Šnobiel
    02.07.2024
    Žiełaju čtoby tak było šnobielevskomu łaurieatu

Ciapier čytajuć

Łukašenka pachvaliŭsia, što jamu na dzień naradžeńnia padaryli ŭsiudychod1

Łukašenka pachvaliŭsia, što jamu na dzień naradžeńnia padaryli ŭsiudychod

Usie naviny →
Usie naviny

Zialenski paśla razmovy z Trampam: Vyvodzić našy vojski z našych terytoryj nichto nie budzie4

Kamu Łukašenka apošnim časam daviaraje svaju achovu?7

Vy — pracaholik i časta pierapracoŭvajecie? Navukoŭcy vyśvietlili, jak heta źmianiaje mozh6

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna17

«Pšepšyk». Heta realny teh, pad jakim prapahanda piša pra vybary ŭ Polščy i raspalvaje niedavier da ich vynikaŭ8

Pucin paviedamiŭ, pra što havaryŭ z Trampam8

Siostry Hruździevy zachacieli rabić prahramu pra palityku, ale spałochalisia cenzury5

Baranavickamu chłopčyku z SMA paśpieli zrabić vyratavalny ŭkoł4

U Minsku matacyklist sutyknuŭsia z aŭtamabilem VIDEA

bolš čytanych navin
bolš łajkanych navin

Łukašenka pachvaliŭsia, što jamu na dzień naradžeńnia padaryli ŭsiudychod1

Łukašenka pachvaliŭsia, što jamu na dzień naradžeńnia padaryli ŭsiudychod

Hałoŭnaje
Usie naviny →

Zaŭvaha:

 

 

 

 

Zakryć Paviedamić