«Praz try hadziny paśla zasialeńnia». Z 7 lipienia biełarusaŭ abaviazali paviedamlać u milicyju pra zdaču žylla inšaziemcam
U Ministerstvie ŭnutranych spraŭ Biełarusi paviedamili, što z 7 lipienia ŭstupajuć u siłu źmieny ŭ zakon «Ab pravavym stanoviščy zamiežnych hramadzian i asob biez hramadzianstva». Z hetaha času jurydyčnyja i fizičnyja asoby, u tym liku IP, pry zdačy pamiaškańniaŭ žycharam inšych dziaržaŭ abaviazanyja paviedamlać pra heta ŭ milicyju.
U viedamstvie patłumačyli, što z 7 lipienia pry zdačy ŭ arendu žyłych pamiaškańniaŭ, pakojaŭ u ahraekasiadzibach, sadovych domikaŭ i dač, a taksama biznes-apartamientaŭ uładalniki pavinny paviedamić pra zamiežnych haściej u najbližejšy adździeł milicyi.
Zrabić heta nieabchodna nie paźniej, čym praz 3 hadziny paśla zasialeńnia. Adnak davać spravazdaču ŭ MUS treba nie pra ŭsich zamiežnych pastajalcach. Pad vyklučeńnie trapili členy aficyjnych delehacyj, kiraŭniki i supracoŭniki dypłamatyčnych pradstaŭnictvaŭ i konsulstvaŭ, členy ekipažaŭ hramadzianskich pavietranych sudoŭ mižnarodnych avijalinij, bryhad ciahnikoŭ mižnarodnych čyhunačnych znosin, kiroŭcy, jakija pieravoziać hruzy i pasažyraŭ u mižnarodnych znosinach i nie tolki.
Kali ŭładalniki žyłych pamiaškańniaŭ nie buduć paviedamlać pra pastajalcaŭ, to im pahražaje štraf u pamiery da 20 bazavych vieličyń (800 biełaruskich rubloŭ).
Turysty na polska-biełaruskaj miažy stali atrymlivać tryvožnyja esemeski. Ci varta panikavać?
«Ceny pavyšać niama sensu — zastaniešsia biez turystaŭ». Jak ahrasiadziby rychtujucca da novaha siezona i čaho čakajuć ad jaho
Mazyrskija pamiežniki prosiać paviedamlać pra inšaziemcaŭ, taksi i drony pablizu pamiežnaj zony
Kamientary