Orban: Situacyja vidavočnaja — Pucin i Rasija ŭvarvalisia va Ukrainu. Ale Rasiju niemahčyma pieramahčy
Vienhierski premjer raspavioŭ pra pieramovy ź Zialenskim i Pucinym.
Viktar Orban paśla pajezdak u Kijeŭ i Maskvu raspavioŭ, jak adreahavali Uładzimir Zialenski i Uładzimir Pucin na jahonuju prapanovu ab zaklučeńni pieramirja.
Sa słoŭ premjera, abodva admovilisia, piša Bild.
«Ja zadaŭ kiraŭnikam abiedźviuch dziaržaŭ i ŭradaŭ pytańnie: ci jość mahčymaść uzhadnić abmiežavanaje pa časie pieramirje, jakoje paskoryć pieramovy ab miry? A ŭžo zatym iści ad pieramirja. Bo ciapier usie dumajuć naadvarot. Spačatku zaklučyć mirnaje pahadnieńnie, a zatym apuścić zbroju.
Abodva nie ŭpeŭnienyja. I ŭkraincy, i rasijanie adkazali adno i toje ž: što pieramirje ŭ intaresach praciŭnika, bo za hety čas jon zmoža pierastroicca i padrychtavacca da praciahu vajny», — zajaviŭ Orban.
Premjer Vienhryi pry hetym zajaviŭ, što nie choča raźbiracca ŭ pryčynach vajny:
«Situacyja vidavočnaja. Pucin i Rasija pačali ŭvarvańnie va Ukrainu. Ale ja nie chaču vymiarać, chto za što adkazny. Maja zadača — zasiarodzicca na tym, jak dasiahnuć miru».
Orban ličyć, što ŭ nastupnyja dva-try miesiacy da prezidenckich vybaraŭ u ZŠA situacyja na froncie značna pahoršaje, budzie jašče bolš achviar, pakolki baki nakiravali na front jašče bolš zbroi.
«Toje, što budzie napieradzie, — značna horš, čym my dumajem. [..] Abodva baki ŭkładvajuć u heta vialikija namahańni. Navat ukraincy stali aptymistyčniejšyja, bo atrymali šmat jakasnaj zbroi. [..]
Tak što hałoŭny arhumient — heta čałaviečyja achviary. Heta najvažniejšaja maralnaja matyvacyja. Ale razam z hetym jość i intaresy Jeŭropy. Bo toje, što adbyvajecca, vielmi drenna dla nas», — kanstatavaŭ Orban.
Pry hetym jon miarkuje, što niama scenaru, jaki pryviadzie da parazy Rasii.
«U Pucina ŭsio prosta: hladzicie na fakty, krynicy enerhii, kolkaść nasielnictva. Pucin nie moža prajhrać, heta vielmi łahična. Kali hladzieć na sałdat, zbroju i technałohii, jakija vykarystoŭvajuć u vajnie, to pieramahčy Rasiju — takuju dumku ciažka navat ujavić.
Imaviernaść taho, ci možna naohuł pieramahčy Rasiju, niemahčyma praličyć», — zajaviŭ Orban.
Vienhierski premjer naviedaŭ Kijeŭ, Maskvu i Piekin. Akramia taho, jon anansavaŭ vizit u ZŠA. Heta turne Viktar Orban nazyvaje «miratvorčaj misijaj».
Zialenski patłumačyŭ, čamu nie pahadziŭsia na prapanovu Orbana ab spynieńni ahniu
Orban i Pucin pravodziać sustreču ŭ Maskvie
Orban paśla Maskvy prylacieŭ u Azierbajdžan
«Telefony prasłuchoŭvajucca surjoznymi chłopcami». Orban rychtavaŭsia da sustrečy z Pucinym tajemna — jak špijon
Orban prylacieŭ u Piekin i sustreŭsia ź Si Czińpinam
Orban paviedamiŭ, što ź Piekina nakiroŭvajecca ŭ Vašynhton
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie45
Kamientary