Premjer-ministr Vienhryi Viktar Orban prybyŭ ź vizitam u Maskvu.
Paviedamlajecca, što Orban pryjechaŭ u rasijskuju stalicu «ŭ ramkach svajoj miratvorčaj misii».
Orban pierad palotam u Maskvu apublikavaŭ u instahramie taki post pra svaju misiju
Pucin padčas sustrečy zajaviŭ Orbanu, što na sustrečy ŭ ich budzie mahčymaść abmierkavać situacyju va Ukrainie, piša RBK.
«Vy napeŭna viedajecie pra moj vystup pierad kiraŭnictvam MZS — [jon adbyŭsia] zusim niadaŭna ŭ Maskvie. Tam vykładziena naša pazicyja ŭ dačynieńni da mahčymaha mirnaha ŭrehulavańnia. I, viadoma, ja hatovy abmierkavać z vami niuansy», — skazaŭ Pucin.
Orban u adkaz zajaviŭ, što chacieŭ by aznajomicca ź mierkavańniem rasiejskaha prezidenta ŭ važnych dla Jeŭropy pytańniach, a siońniašniuju sustreču nazvaŭ «asablivaj».
U pačatku tydnia Orban byŭ u Kijevie, kudy jon pryjechaŭ u ranhu kiraŭnika krainy, što z 1 lipienia staršyniuje ŭ ES.
Reakcyja jeŭrapiejskich palitykaŭ na vizit Orbana ŭ Rasiju nie prymusiła siabie doŭha čakać, piša Bild.
«Viktar Orban jedzie da Pucina ŭ jakaści premjer-ministra Vienhryi.
Jeŭrapiejskuju radu pa pytańniach zamiežnaj palityki pradstaŭlaje Šarl Mišel. Pazicyja ES vielmi zrazumiełaja: my asudžajem rasijskuju ahresiŭnuju vajnu. Ukraina moža raźličvać na našu padtrymku», — napisaŭ u X kancler FRH Ołaf Šolc.
Kiraŭnik jeŭradypłamatyi Žazep Barel paćvierdziŭ, što ŭ Orbana nie było mandata ad Brusiela na hetuju pajezdku.
«Vizit premjer-ministra Viktara Orbana ŭ Maskvu prachodzić vyklučna ŭ ramkach dvuchbakovych adnosin pamiž Vienhryjaj i Rasijaj», — adznačyŭ jon.
Staršynia Jeŭrapiejskaj kamisii Ursuła fon der Lajen zajaviła, što «ŭstupki nie spyniać Pucina».
«Tolki adzinstva i rašučaść prakładuć šlach da ŭsioabdymnaha, spraviadlivaha i tryvałaha śvietu va Ukrainie», — dadała jana.
Apošni raz Orban pryjazdžaŭ u Maskvu ŭ vieraśni 2022 hoda, užo paśla pačatku rasijskaha ŭvarvańnia va Ukrainu. Zrešty, tady jon tak i nie sustreŭsia z Uładzimiram Pucinym, ich pieramovy adbylisia tolki praz hod u Piekinie.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary