Ekanomika1515

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Apošni pakiet sankcyj ES u dačynieńni da Biełarusi mocna zakranuŭ fizičnych asob. Pad zabaronu na ŭvoz u tym liku dla asabistaha karystańnia trapili sotni tavaraŭ. Pasprabavali razabracca, jak heta adčujuć na sabie zvyčajnyja biełarusy.

Pryhraničny biznes — usio?

Pieralik mytnych kodaŭ tavaraŭ, zabaronienych da ekspartu ŭ Biełaruś z 1 lipienia 2024 hoda, zajmaje bolš za 30 staronak. U jaho trapili raznastajnyja pazicyi, pačynajučy ad kvietak i raślin i zakančvajučy huzikami i padušačkami dla čarniła.

Siarod papularnych tavaraŭ — batarejki, mabilnyja telefony, manitory, prajektary, mikrafony, hukavyja ŭzmacnialniki, abahravalniki, niekatoryja vidy tkaniny, niekatoryja aŭtamabilnyja zapčastki, pakryški dla aŭtobusaŭ i hruzavikoŭ i šmat inšaha.

Pieršyja, pa kim udaryli novyja abmiežavańni, — čaŭnaki, jakija, niahledziačy na składanaści z atrymańniem viz i vializarnyja čerhi, praciahvali zajmacca pryhraničnym biznesam.

Čaŭnakoŭ umoŭna možna było padzialić na dva typy: prafiesijanały, dla jakich pajezdki ŭ Polšču i Litvu byli asnoŭnym i niaredka adzinym zaniatkam, i amatary, dla jakich heta chutčej padpracoŭka. Tym nie mienš, za čatyry pajezdki ŭ Polšču ciaham miesiaca mahła atrymacca narmalnaja biełaruskaja zarpłata, jakuju, choć i nie zusim lehalnym čynam, atrymlivali žychary pryhraničča.

Pacierpiać nie tolki čaŭnaki

Ale novyja abmiežavańni zakranuć kudy bolš šyrokija koły ludziej, čym moža padavacca na pieršy pohlad.

Ceny na tavary, jakija ad niadaŭniaha času zabaroniena vieźci ŭ Biełaruś, vyrastuć. Niekatoryja pazicyi mohuć całkam źniknuć z prodažu, i vybar stanie bolš ścipłym. Praź mienšuju kankurencyju na rynku mohuć padaražeć anałahi tavaraŭ, popyt na jakija ŭzraście praz adsutnaść alternatyvy.

Znajści zamienu častcy tavaraŭ, jakija trapili pad zabaronu na ekspart ź Jeŭrasajuza ŭ Biełaruś, nie atrymajecca. Pastaŭščyki sankcyjonki buduć dastaŭlać ich u Biełaruś alternatyŭnymi šlachami.

A heta bolš darahaja łahistyka i dadatkovyja zatraty na pasiarednikaŭ ź firmami-prakładkami. 

Usio heta adabjecca na košcie tavaraŭ.

Paralelna budzie raści zaležnaść Biełarusi ad Rasii — jak finansavaja, tak i łahistyčnaja.

Bahatyja taksama płačuć

Novy pakiet sankcyj biezahavoračna zabaraniaje ekspart u Biełaruś lubych aŭto koštam bolšym za 50 tysiač jeŭra.

Heta aznačaje, što pierahonščyki, jakija pracavali ŭ premium-siehmiencie, bolš nie zmohuć hetaha rabić. Ale, jak i ŭ vypadku z čaŭnakami, pacierpiać ad hetaha nie tolki sami pierahonščyki.

Aficyjnyja dylery taksama bolš nie zmohuć handlavać darahimi mašynami ź Jeŭropy.

Zamožnym biełarusam daviadziecca abo pierasiadać na novych «kitajcaŭ», abo pierapłačvać pa 5-7 tysiač jeŭra i dastaŭlać padsankcyjnyja mašyny praz Turcyju.

Niechta hublaje, a niechta znachodzić

Razam z tym dla niekatorych sankcyi adkryvajuć novyja mahčymaści.

Tak, naprykład, karyść ad sankcyj paśpieli adčuć na sabie biełaruskija vytvorcy adzieńnia. Pryčym bieniefity atrymlivajuć nie tolki bujnyja hulcy, jak Mark Formelle i ZNWR, ale i drobnyja fashion-brendy. Ab hetym my pisali raniej. 

Taksama dobra majecca biełaruska-kitajski Geely, bo kala 50% prodažaŭ novych aŭto ŭ Biełarusi prychodziacca na «ajčynnyja aŭtamabili». 

Kamientary15

  • user
    12.07.2024
    Sankcii skorieje pokazatielnyje i nikakoj konkrietnoj cieli nie prieśledujut. Vvodiť sankcii takoho roda horazdo udobnieje, čiem postaviť Ukrainie, naprimier, 100-200 samolotov.
  • Sambo
    12.07.2024
    Žora, Vsie kto chotieł rabotať i vydavať hrošy v jes, užie eto diełajut. A jeśli ty pro čiełnokov, to pusť i dalšie sidiat «maja chata z kraju»
  • Kchie
    12.07.2024
    Žora, ty nie zamietił čto vojna idiet? Vo vtoruju mirovuju Italiju sojuźniki tožie nie snabžali.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam39

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam

Usie naviny →
Usie naviny

Kałabaranta z Novaj Kachoŭki, jaki maciukaŭsia na kamieru, zatrymali za «reabilitacyju nacyzmu»3

«Vyzvaleńnie adnaho — heta krok napierad». Cichanoŭskaja prakamientavała vyzvaleńnie Ziankoviča6

Na minskim «Kryštali» buduć vypuskać harełku «Sukaleń»19

Juraś Ziankovič vyjechaŭ u Litvu6

U hrodzienskaj sinahozie źnieśli častku ścien — chočuć viarnuć histaryčny vyhlad

Amierykancy dabilisia vyzvaleńnia Juryja Ziankoviča. Jon byŭ prysudžany da 13,5 hoda źniavoleńnia20

Treba stać novym Izrailem. U Biełarusi prydumali, jak raźvivać startapy7

Ciahnik Minsk — Homiel sutyknuŭsia ź lesavozam1

Vušnaja siera moža šmat raskazać pra vaša zdaroŭje1

bolš čytanych navin
bolš łajkanych navin

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam39

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam

Hałoŭnaje
Usie naviny →

Zaŭvaha:

 

 

 

 

Zakryć Paviedamić