Dzikavicki adreahavaŭ na abvinavačańni prakuratury suprać byłoj kiraŭnicy «Biełsata»
Pavodle źviestak polskaha radyjo Zet, likvidatar TVP padaŭ u akruhovuju prakuraturu Varšavy zajavu ab finansavym złoŭžyvańni byłoj dyrektarkaj «Biełsata». Dziejny vykanaŭca abaviazkaŭ dyrektara «Biełsata» prakamientavaŭ heta.
Jak daviedałasia radyjo Zet, zajava likvidatara TVP datyčyć finansavych parušeńniaŭ, nievykanańnia abaviazkaŭ i złoŭžyvańnia paŭnamoctvami.
Padazreńni vynikali z vynikaŭ aŭdytu, jaki pakazaŭ pierapłatu za IT-pasłuhi, praź jakija TVP mahła stracić kala 7 młn złotych (na siońnia heta kala 1,78 młn dołaraŭ). Pavodle aŭdytaraŭ, jak pieradaje Zet, kiraŭnictva «Biełsata zamaŭlała IT-pasłuhi biez tendaru i analizu rynku ŭ firmaŭ, jakija nie mieli adpaviednaha dośviedu i nibyta byli navat stvoranyja śpiecyjalna pad kankretnuju zamovu.
Akramia taho, pavodle aŭdytaraŭ u pierakazie Zet, peŭnyja pasłuhi dublavalisia.
«U mianie niama nijakaj infarmacyi pra nibyta złoŭžyvańni pry zamovie IT-pasłuhaŭ «Biełsatam», — prakamientavaŭ heta vykanaŭca abaviazkaŭ dyrektara «Biełsata» Alaksiej Dzikavicki. — Ja nikoli nie kuryravaŭ techničnych pytańniaŭ, ale z racyi pasadaŭ, jakija zajmaŭ na telekanale, pra mahčymyja parušeńni chutčej viedaŭ by, i, heta vidavočna, nie było b na niešta padobnaje majoj zhody. Pierakanany, što adpaviednyja dziaržaŭnyja orhany heta paćvierdziać».
Taksama situacyju prakamientavała Ahnieška Ramašeŭskaja-Huzy, suzasnavalnica i pieršaja dyrektarka «Biełsata», jakaja ŭznačalvała kanał da sakavika 2024 hoda.
Jana pieradała miedyjam zajavu, u jakoj aburyłasia raspaŭsiudam infarmacyi pra padazreńni ŭ złoŭžyvańni i «absurdnaj» sumaj 7 młn złotych, pachodžańnia jakoj jana nie moža zrazumieć. Ramašeŭskaja-Huzy zapatrabavała spynić paklop i publikacyi ab mierkavanych złačynstvach, jakija biez sudovaj pravierki vinavaciać jaje ŭ raskradańni srodkaŭ «Biełsata».
Jana zajaŭlaje, što kantrakty i zamovy byli apłačanyja «adpaviedna praceduram, jakija ŭžyvajucca ŭ TVP, a rašeńni zvyčajna taksama pieradavalisia praź inšyja padraździaleńni kampanii», a srodki na IT-pasłuhi nie ŭtojvalisia, a byli abvieščanyja ŭ biudžecie kanału, zaćvierdžanyja praź Biuro kantrolu i restrukturyzacyi i paznačanyja ŭ hadavych spravazdačach Ministerstvu zamiežnych spravaŭ.
Akramia taho, Ramašeŭskaja-Huzy nahadała pra chakierskija ataki na IT-infrastrukturu «Biełsata» — sistemy i sajty «Biełsata» złamać nie ŭdałosia, zbudavanyja dla «Biełsata» sistemy akazalisia nadzvyčaj tryvałyja.
Biełaruskaja aktrysa, jakaja syhrała palitźniavolenuju Kaciarynu Andrejevu, adčyniła kniharniu va Urocłavie
«Biełsat» pierastanie być samastojnaj adzinkaj u struktury TVP
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia2
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Taje ž hienezy i skok "česnaha" sudździ papiaredniaje partyi za miažu