Cierciel zajaviŭ, što Ukraina adviała vojski ad biełaruskaj miažy jašče 3—4 lipienia
Staršynia KDB zajaviŭ ab spakojnaj abstanoŭcy na miažy z Ukrainaj i adznačyŭ, što śpiecyjalnyja ŭkrainskija padraździaleńni, skancentravanyja raniej na miažy, byli pierakinutyja ŭ miescy pastajannaj dysłakacyi jašče ŭ pačatku lipienia, piša Interfaks.
«My adznačajem, što ŭkrainski bok pavodziŭ siabie strymana. I dzieści 3—4 lipienia našaj źniešniaj raźviedkaj zafiksavany advod hetych padraździaleńniaŭ z pryhraničnych z Respublikaj Biełaruś rajonaŭ. Jany syšli ŭ miescy pastajannaj dysłakacyi», — skazaŭ Cierciel, słovy jakoha pryvodzić pres-słužba Minabarony krainy.
Jon adznačyŭ, što pa rašeńni Łukašenki siłavymi strukturami Biełarusi — Ministerstvam abarony, Dziaržpahrankamitetam, Kamitetam dziaržbiaśpieki — byli pryniaty adpaviednyja miery reahavańnia.
«Nieadnarazova našy zakłapočanaści davodzilisia pa roznych kanałach. Adznačajem, što pryniatyja miery adpaviadali abstanoŭcy», — zajaviŭ kiraŭnik KDB.
«U cełym zadača kiraŭnika dziaržavy ab niedapuščeńni eskałacyi, adekvatnym dziejańni i demanstracyi našaj miralubnaj pazicyi — jany akazali dziejańnie», — dadaŭ jon.
U subotu ŭviečary ministr abarony Biełarusi Viktar Chrenin paśla narady z udziełam Alaksandra Łukašenki zajaviŭ ab nieadkładnym vyvadzie vojskaŭ uzmacnieńnia paŭdniovaha napramku ź miažy z Ukrainaj.
«Pa vynikach siońniašniaj narady Łukašenka daručyŭ hrupoŭku vojskaŭ uzmacnieńnia paŭdniovaha apieracyjnaha napramku, asnovu jakich składajuć siły śpiecyjalnych apieracyj, vyvieści z pryhraničnaj zony i viarnuć u punkty pastajannaj dysłakacyi. My nieadkładna prystupajem da vykanańnia hetaj zadačy», — skazaŭ Chrenin.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary