«Nie budziem zabyvać pra zamučanuju Ukrainu, Paleścinu, Izrail». Papa Francišak zaklikaŭ da alimpijskaha pieramirja
Hetaj tradycyi ŭžo amal 3-y tysiačahodździ.
U niadzielu, 21 lipienia, pantyfik zaklikaŭ spynić usie vajennyja kanflikty na čas praviadzieńnia Alimpijskich hulniaŭ u Paryžy.
Francišak vykazaŭ nadzieju, što Alimpijskija i Paralimpijskija hulni ŭ Paryžy daduć mahčymaść krainam, jakija znachodziacca ŭ stanie vajny, pavažać staražytnahrečaskuju tradycyju i ŭstanavić pieramirje na čas Hulniaŭ.
«Zhodna sa staražytnaj tradycyjaj, niachaj Alimpijada stanie mahčymaściu ŭstalavać pieramirje ŭ vojnach, prademanstravaŭšy ščyruju volu da miru», — skazaŭ Francišak padčas malitvy Angelus na płoščy Śviatoha Piatra.
«Ja spadziajusia, što hetaja padzieja moža stać znakam inkluziŭnaha śvietu, jaki my žadajem pabudavać, i što spartoŭcy mohuć stać pasłańnikami miru i kaštoŭnymi ŭzorami dla moładzi.
Davajcie nie zabyvać pra zamučanuju Ukrainu, Paleścinu, Izrail, Mjanmu i mnohija inšyja krain, jakija znachodziacca ŭ stanie vajny. Davajcie nie zabyvać, vajna — heta paražeńnie», — skazaŭ na zakančeńnie jon.
Tradycyja alimpijskaja pieramirja źjaviłasia ŭ VIII stahodździ da n.e. U 1992 hodzie Mižnarodny alimpijski kamitet adradziŭ hetu tradycyju, źviarnuŭšysia da ŭsich dziaržaŭ z zaklikam vykonvać heta pieramirje.
Hienieralnaja Asambleja AAN nastojliva zaklikaje dziaržavy vykonvać alimpijskaje pieramirje za siem dzion da adkryćcia i praź siem dzion paśla zakryćcia kožnych Alimpijskich hulniaŭ.
Pavodle infarmacyi The New York Times u pačatku 2022 hoda kitajskija ŭłady źviarnulisia da Rasii z prośbaj adkłaści zapłanavanaje ŭvarvańnie va Ukrainu na čas zimovych Alimpijskich hulniaŭ u Piekinie. Uvarvańnie sapraŭdy pačałosia paśla zakryćcia Hulniaŭ, što, mahčyma, dało Ukrainie dadatkovy čas dla padrychtoŭki abarony krainy.
Cyrymonija adkryćcia 33-ch Alimpijskich hulniaŭ adbudziecca ŭ Paryžy 26 lipienia z udziełam 205 delehacyj spartsmienaŭ, jakija projduć paradam na bolš jak 80 łodkach pa Sienie.
Byłaja biełaruskaja spartsmienka ŭžo druhi raz za žyćcio pamianiała spartyŭnaje hramadzianstva
Kryścina Cimanoŭskaja pachvaliłasia zaprašeńniem na Alimpijadu
Alimpijadu-2024 u Biełarusi nie pakažuć
Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie7
Kamientary