«Не будзем забываць пра замучаную Украіну, Палесціну, Ізраіль». Папа Францішак заклікаў да алімпійскага перамір'я
Гэтай традыцыі ўжо амаль 3-ы тысячагоддзі.
У нядзелю, 21 ліпеня, пантыфік заклікаў спыніць усе ваенныя канфлікты на час правядзення Алімпійскіх гульняў у Парыжы.
Францішак выказаў надзею, што Алімпійскія і Паралімпійскія гульні ў Парыжы дадуць магчымасць краінам, якія знаходзяцца ў стане вайны, паважаць старажытнагрэчаскую традыцыю і ўстанавіць перамір'е на час Гульняў.
«Згодна са старажытнай традыцыяй, няхай Алімпіяда стане магчымасцю ўсталяваць перамір'е ў войнах, прадэманстраваўшы шчырую волю да міру», — сказаў Францішак падчас малітвы Angelus на плошчы Святога Пятра.
«Я спадзяюся, што гэтая падзея можа стаць знакам інклюзіўнага свету, які мы жадаем пабудаваць, і што спартоўцы могуць стаць пасланнікамі міру і каштоўнымі ўзорамі для моладзі.
Давайце не забываць пра замучаную Украіну, Палесціну, Ізраіль, М'янму і многія іншыя краін, якія знаходзяцца ў стане вайны. Давайце не забываць, вайна — гэта паражэнне», — сказаў на заканчэнне ён.
Традыцыя алімпійская перамір'я з'явілася ў VIII стагоддзі да н.э. У 1992 годзе Міжнародны алімпійскі камітэт адрадзіў гэту традыцыю, звярнуўшыся да ўсіх дзяржаў з заклікам выконваць гэта перамір'е.
Генеральная Асамблея ААН настойліва заклікае дзяржавы выконваць алімпійскае перамір'е за сем дзён да адкрыцця і праз сем дзён пасля закрыцця кожных Алімпійскіх гульняў.
Паводле інфармацыі The New York Times у пачатку 2022 года кітайскія ўлады звярнуліся да Расіі з просьбай адкласці запланаванае ўварванне ва Украіну на час зімовых Алімпійскіх гульняў у Пекіне. Уварванне сапраўды пачалося пасля закрыцця Гульняў, што, магчыма, дало Украіне дадатковы час для падрыхтоўкі абароны краіны.
Цырымонія адкрыцця 33-х Алімпійскіх гульняў адбудзецца ў Парыжы 26 ліпеня з удзелам 205 дэлегацый спартсменаў, якія пройдуць парадам на больш як 80 лодках па Сене.
Цяпер чытаюць
У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку3
Каментары