Eks-rasijanka pavinna nieści ściah Kipra na adkryćci Alimpijady. Ale ŭ jaje znajšli OnlyFans, i pačaŭsia skandał
Skakucha ŭ vyšyniu Alena Kuličenka apynułasia ŭ centry vialikaha skandału paśla taho, jak była pryznačanaja ściahanosicaj zbornaj Kipra na adkryćci Alimpijady ŭ Paryžy. Pry hetym sama spartsmienka pavodzić siabie dziŭna.
Alena Kuličenka naradziłasia ŭ padmaskoŭnym Adzincovie, kiprskija ŚMI nazyvajuć jaje «dačkoj rasijskaha aliharcha». Jana vučyłasia va ŭniviersitecie Džordžyi ŭ ZŠA, vystupała za Rasiju, ale ŭ 2021 hodzie vyrašyła pamianiać spartyŭnaje hramadzianstva.
Fiederacyja lohkaj atletyki Rasii była adchilenaja z-za dopinhavych prablem, što ŭskładniała dla rasijskich spartsmienaŭ dopusk da spabornictvaŭ.
Kuličenka abrała Kipr, pakolki, pa niekatorych danych, jaje baćki atrymali miascovyja pašparty za inviestycyi. Adbyŭšy dva hady karancinu, spartsmienka pačała vystupać za novuju krainu.
U 2023 hodzie jana vyjhrała moładzievy čempijanat Jeŭropy, vyjšła ŭ finał darosłaha čempijanatu śvietu. A ŭžo sioleta dvojčy pierapisała rekord Kipra. Jaje najlepšy vynik — 1.97. Stolki ž u hetym siezonie skakała, naprykład, biełaruska Maryja Žodzik, jakaja vystupaje za Polšču, — heta siomy vynik suśvietnaha siezona.
Na Kipry nie tak šmat spartsmienaŭ vysokaha ŭzroŭniu, tamu vybar Nacyjanalnaha alimpijskaha kamiteta nie ździŭlaje — Kuličenka pavinna nieści ściah razam ź biehunom Miłanam Trajkavičam. Na Kipry staviacca da hetaj pracedury surjozna. Dajučy nakazy ściahanoscam, prezident NAK zajaviŭ, što jany «padymuć ściah našaj maleńkaj i akupavanaj krainy» — majecca na ŭvazie akupacyja Paŭnočnaha Kipra turkami.
Adnak dniami kiprskaje vydańnie eReportaz paviedamiła, što ŭ Kuličenki znajšli akaŭnt na OnlyFans, dzie jana za hrošy pradaje svaje intymnyja fota i videa. Što niekatoryja paličyli niedastojnym dla ściahanosca alimpijskaj zbornaj krainy.
Pavodle źviestak žurnalistaŭ, NAK u kursie situacyi, adnak nie staŭ jaje apubličvać. Kamitet zapatrabavaŭ ad Kuličenki tłumačeńniaŭ i paprasiŭ vydalić akaŭnt, ale jana zajaviła, što fota i videa zhienieravanyja niejrasietkami — maŭlaŭ, heta deepfake. Adnak, pavodle infarmacyi žurnalistaŭ, Kuličenka nie zrabiła nijakich dziejańniaŭ pa vydaleńni akaŭnta i nie źviarnułasia ŭ palicyju z zajavaj. ŚMI kanstatujuć, što ciapier udzieł Kuličenki ŭ cyrymonii ŭ jakaści ściahanosicy moža być pad pytańniem.
Cyrymonija adkryćcia Alimpijady-2024 projdzie 26 lipienia na Sienie.
Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili
Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul
Na Alimpijadu ad Biełarusi jedzie minimalnaja ŭ historyi kolkaść udzielnikaŭ — 17 čałaviek
«Łajkaŭ dopisy z Pucinym». Ukrainski NAK suprać udziełu ŭ Alimpijadzie biełaruskaha čempijona Tokia-2021 Ivana Litvinoviča
Litva znoŭ zakryvaje miažu ź Biełaruśsiu — na niavyznačany termin9
Litva znoŭ zakryvaje miažu ź Biełaruśsiu — na niavyznačany termin
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary
Podumaješ, dipfiejk i dikpik pierieputała. S kiem nie byvajet. Da, Oležka?