U Breście znoŭ ładziać masavy sud za akcyju pratestu 10 žniŭnia 2020 hoda
U sudzie Leninskaha rajona Bresta 30 lipienia raspačniecca sud adrazu nad vaśmiu miascovymi žycharami, piša «Viasna».
Na łavie padsudnych — Ivan Amrejčyk, Vasil Niparka, Alaksiej Samajluk, Anatol Zakurka, Ihar Sarokin, Siarhiej Dziamidziuk, Mikita Jachimovič i Valancina Žukoŭskaja. Usich abvinavačvajuć pavodle č. 1 art. 342 KK za ŭdzieł u paślavybarčych akcyjach pratestu 10 žniŭnia 2020 hoda. Spravu budzie raźladać Dźmitryj Šuryn.
Mikita Jachimovič i Valancina Žukoŭskaja ŭtrymlivajucca pad vartaj u SIZA-7. Ich zatrymali naprykancy sakavika hetaha hoda. Valancinu raniej asudzili da 1,5 hoda «chatniaj chimii» pa «spravie karahodaŭ».
Ihara Sarokina zatrymali na miažy ŭ lutym, kali jon viartaŭsia z Polščy, dzie pracavaŭ elektrykam.
Za hetuju viasnu za pratesty ŭ Breście 10 žniŭnia 2020 hoda asudzili ŭžo bolš za 20 čałaviek. Raniej za tuju akcyju pratestu aktyŭna sudzili ŭ 2021 hodzie i ŭsim pryznačali kałoniju.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary