Donald Tusk pryznaŭ źnižeńnie mihracyjnaha cisku na polska-biełaruskaj miažy
Premjer-ministr Polščy Donald Tusk źviazaŭ źnižeńnie mihracyjnaha cisku na miažy ź Biełaruśsiu ź niadaŭniaj adpraŭkaj na dapamohu ŭ jaje achovie padraździaleńniaŭ palicyi, piša «Radyjo Svaboda».
«Jašče ŭ traŭni było 7 tysiač sprob niezakonnaha pierachodu miažy. Jašče ŭ červieni było kala 4 tysiač sprob parušeńnia miažy, a ŭ lipieni — 800.
Z momantu, jak palicyja dałučyłasia da dapamohi Pamiežnaj achovie na miažy, majem spravu ź vielmi surjoznymi pazityŭnymi faktami. Polšča źjaŭlajecca bolš biaśpiečnaj dziakujučy vašym namahańniam», — skazaŭ Tusk padčas uračystaj imprezy, pryśviečanaj 105-hodździu polskaj palicyi
Polski premjer taksama zajaviŭ, što vyrašyŭ vydzielić na patreby palicejskich padraździaleńniaŭ dadatkovy miljard złotych na budučy hod.
Na fonie abvastreńnia mihracyjnaha kryzisu sioleta naprykancy viasny na polska-biełaruskuju miažu byli adpraŭlenyja padraździaleńni palicyi, padrychtavanyja dla supraćdziejańnia masavym biesparadkam. Siarod ich abaviazkaŭ nie tolki achova miažy, ale taksama i navučańnie pamiežnikaŭ i sałdat śpiecyfičnym pryjomam pracy.
Bufiernaja zona skaraciła kolkaść sprobaŭ praniknieńnia nielehałaŭ u Polšču amal na 65%
Polšča budzie abmiarkoŭvać z Ukrainaj mahčymaść pierachopu rasijskich rakiet, nakiravanych u jaje bok
Polšča ŭzmacniła achovu miažy ź Biełaruśsiu vajskovaj žandarmieryjaj
Čamu biełaruskija ŭłady aścierahajucca zakryćcia miažy z Polščaj?
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary