19 červienia supracoŭniki Śledčaha kamiteta pryjechali ź pieratrusam na adras u Barysaŭskim rajonie Minskaj vobłaści, dzie Źmicier Pankaviec aficyjna zarehistravany. Miž tym žurnalist užo niekalki hod žyvie pa-za miežami krainy, piša BAŽ.
«Aficyjna pradstavilisia supracoŭnikami Śledčaha kamiteta, choć u mianie jość zdahadki, što heta byŭ nie Śledčy kamitet. Pry hetym, jak ja viedaju, pryjechali pa mianie nie z Barysava, a ź Minsku», — paviedamiŭ BAŽ Źmicier Pankaviec.
U vyniku vobšuku śledčyja ničoha nie zabrali.
«Infarmacyi ŭ mianie, zrazumieła, nie šmat. Viedaju, što pakazvali paniatym dakumient pra toje, što na mianie zaviedzienaja kryminalnaja sprava. Artykuł mnie nie viadomy, ale z raspoviedu zrazumieła, što sprava nibyta za suviazi z kalinoŭcami. Nu, ja sapraŭdy aśviatlaŭ hetuju temu i šmat pisaŭ pra bajcoŭ pałka Kalinoŭskaha va Ukrainie. «Hości» taksama prasili pieradać, što čakajuć mianie ŭ Biełarusi i «hrejuć kajdanki» dla mianie. Pakul anijakaha raźvićcia situacyi nie było», — raspavioŭ žurnalist.
Źmicier Pankaviec u žurnalistycy amal 20 hadoŭ, pracavaŭ u vydańni «Naša Niva» i na «Radyjo Svaboda», nieadnarazova byŭ łaŭreatam žurnalisckaj premii «Volnaje słova».
U śniežni 2021 hoda, aścierahajučysia pieraśledu za prafiesijnuju dziejnaść, jon vyjechaŭ ź Biełarusi.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary