Zatrymlivali jašče dvuch vysokich načalnikaŭ z BČ i kiraŭnika Minskaha mietrapalitena
Pavodle infarmacyi «Supolnaści čyhunačnikaŭ Biełarusi», atrymanaj ad jaje krynic, 29 lipienia prajšoŭ ceły šerah zatrymańniaŭ siarod kiraŭnictva z upraŭleńnia Biełaruskaj čyhunki.
Paviedamlajecca pra zatrymańnie namieśnika načalnika BČ Siarhieja Sizina, a taksama hałoŭnaha inžyniera Biełaruskaj čyhunki Siarhieja Navadvorskaha.
Abodva nazvanyja kiraŭniki BČ źjaŭlajucca «vychadcami» ź Viciebskaha adździaleńnia Biełaruskaj čyhunki (NOD-6).
Siarhiej Sizin namieśnikam načalnika BČ pracuje z 2017 hoda, na hetaj pasadzie jon kuryravaŭ dziejnaść puciavoj haspadarki, haspadarak sihnalizacyi i suviazi, elektryfikacyi i elektrazabieśpiačeńnia.
Siarhiej Navadvorski pryznačany na pasadu hałoŭnaha inžyniera BČ ŭ 2021 hodzie. Na hetaj pasadzie jon adkazvaŭ za techničnuju palityku i napramki techničnaha raźvićcia BČ i arhanizacyj, što ŭvachodziać u jaje skład, šlachi rekanstrukcyi i techničnaha pieraŭzbrajeńnia vytvorčaści, arhanizacyju kapitalnaha budaŭnictva, stan techniki biaśpieki i achovy pracy.
Akramia nazvanych, taksama nibyta zatrymany dyrektar Minskaha mietrapalitena Uładzimir Sotnikaŭ, jaki kiruje hetym pradpryjemstvam z 2016 hoda.
Raniej za chabar byŭ zatrymany pieršy namieśnik kiraŭnika Biełaruskaj čyhunki Piatro Dułub.
Paśla «Supolnaść biełaruskich čyhunačnikaŭ» dadała infarmacyju, što Siarhiej Navadvorski i Uładzimir Sotnikaŭ byli vyzvalenyja (ich ciapierašni status pakul nieviadomy), u toj čas jak Siarhiej Sizin praciahvaje znachodzicca pad vartaj.
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
Nie stučitie kolosa...