Muž palitźniavolenaj Paliny Šarendy-Panasiuk Andrej Šarenda paviedamiŭ ŭ svaich sacsietkach pra toje, što jaje źmiaścili znoŭ u homielskaje SIZA-3.
«Palina narešcie znajšłasia. Nie viedajem, kolki doŭžyŭsia čarhovy etap, ale Palina iznoŭ u SIZA-3 Homiela. U bližejšyja niekalki miesiacaŭ Palinu čakaje novy «sud», da jakoha jana budzie znachodzicca tam», — piša Andrej Šarenda, zaklikajučy padtrymać palitźniavolenuju paštoŭkaj.
Ciapierašni adras žančyny: SIZA-3, 246003, Homiel, Knižnaja, 1A, Šarenda-Panasiuk Palina Siarhiejeŭna.
Palinu Šarendu-Panasiuk zatrymali ŭ studzieni 2021 hoda ŭ Bieraści, u jejnym domie. U červieni 2021 hoda sud Maskoŭskaha rajona Bieraścia pryhavaryŭ žančynu da 2 hadoŭ pazbaŭleńnia voli va ŭmovach ahulnaha režymu pavodle art. 364 («hvałt u dačynieńni supracoŭnika orhanaŭ unutranych spraŭ»), 369 («abraza pradstaŭnika ŭłady») i 368 («abraza prezidenta») KK.
U krasaviku 2022 hodu palitźniavolenuju pryhavaryli jašče da adnaho hodu źniavoleńnia pavodle č. 1 art. 411 KK, u kastryčniku 2023-ha — jašče da adnaho hodu pavodle taho ž artykułu. Palina Šarenda-Panasiuk musiła vyjści na volu ŭ kancy maja 2024 hoda, ale suprać jaje była zaviedzienaja novaja kryminalnaja sprava. U pačatku lipienia jaje adpraŭlali na ekśpiertyzu ŭ Centr sudovych ekśpiertyz u Navinkach, ale, jak pisaŭ Andrej Šarenda, «ekśpiertyza skončyłasia, tak i nie pačaŭšysia».
Palinu Šarendu-Panasiuk vyvieźli z Centra sudovych ekśpiertyz u Navinkach
«Taki dyjahnaz va ŭmovach Paliny — jak śmiarotny prysud». Svajaki palitźniavolenaj Šarendy-Panasiuk daviedalisia pra jaje chvarobu
Palitźniavolenaja Palina Šarenda-Panasiuk praviała 70 dzion u ŠIZA z pačatku hoda
«Psichałahičny stan vielmi składany». Źjavilisia naviny pra palitźniavolenuju Šarendu-Panasiuk
Kamientary