Donald Tramp žorstka raskrytykavaŭ praviedzieny abmien źniavolenymi
Były prezident ZŠA Donald Tramp zapatrabavaŭ u Biełaha doma padrabiaznaściaŭ adnosna pahadnieńnia ab abmienie źniavolenymi, a taksama vykazaŭ zdahadku, što ŭrad ZŠA moh za vyzvaleńnie źniavolenych zapłacić.
«Dyk kali ž jany [Bieły dom] źbirajucca apublikavać padrabiaznaści abmienu pałonnymi z Rasiejaj? Kolki ludziej my atrymali za tych, kaho addali?
My taksama płacim im najaŭnymi? Jany płaciać nam najaŭnymi (kali łaska, zdymicie hetaje pytańnie, tamu što ja ŭpeŭnieny, što adkazu niama)? Ci vyzvalajem my zabojcaŭ, kileraŭ abo hałavarezaŭ? Prosta cikava, tamu što my nikoli nie zaklučajem vyhadnych ździełak ni ŭ čym, asabliva ŭ abmienie zakładnikami», — napisaŭ Donald Tramp, jaki bałatujecca na sioletnich prezidenckich vybarach ad Respublikanskaj partyi.
Jon zajaviŭ, što, kali byŭ prezidentam, nibyta viarnuŭ mnohich zakładnikaŭ i nie daŭ za heta ni centa.
«Rabić tak — heta drenny precedent na budučyniu. Tak i pavinna być, inakš situacyja budzie rabicca ŭsio horšaj i horšaj. Jany vymahajuć hrošy ŭ ZŠA. Jany nazyvajuć ździełku «składanaj», kab nichto nie moh zrazumieć, nakolki jana drennaja», — dadaŭ Tramp.
Abmien źniavolenymi zaviaršyŭsia, u im uziali ŭdzieł 26 čałaviek
Łukašenka z Kryhieram sieŭ u łužynu. A značeńnie vyzvaleńnia rasijskich palitviaźniaŭ voś u čym
Čamu ŭ vialikim abmienie nie było biełaruskich palitviaźniaŭ? Adkaz Viačorki
Pucin asabista sustreŭ svaich vyzvalenych ahientaŭ u maskoŭskim aeraporcie
Kali b Navalny byŭ žyvy, jon byŭ by siarod abmienienych — Bieły dom
«Heta byli pieramovy z Maskvoj, Minsk u ich nie ŭdzielničaŭ». Ofis Śviatłany Cichanoŭskaj prakamientavaŭ abmien źniavolenymi
Ciapier čytajuć
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»9
Kamientary
Svajo ž nadzvyčaj nieabchodnaje mierkavańnie Akabčyk Maleńki nie pisaćmie tut, bo Akabčykavyja mierkavańni zvyčajna zachrusajuć ŭ premaderacyi.