Viaślar Załaty vyjhraŭ srebra na Alimpijadzie i pieradaŭ pryvitańnie Krasnapollu
U biełarusaŭ užo try miedali na Hulniach.
Viaślar Jaŭhien Załaty vyjhraŭ srebra ŭ akademičnym viesłavańni ŭ zajeździe na 2000 mietraŭ. Biełarus padčas honki mocna adstavaŭ, byŭ apošnim šostym, ale vydatna nakaciŭ na zaklučnych 500 mietrach i zaniaŭ druhoje miesca!
Voś videa honki:
Honku vyjhraŭ Olivier Cajdler (Hiermanija).
U biełarusaŭ užo try miedali na Hulniach.
Nahadajem, što ŭčora zołata na Alimpijadzie zavajavaŭ u skačkach na batucie Ivan Litvinovič, a srebra Vijaleta Bardziłoŭskaja.
«Nie čakaŭ, što supierniki tak uklučacca z samaha pačatku, — raspavioŭ Jaŭhien Załaty paśla finišu. — Pryjšłosia na zaklučnym adrezku prykłaści maksimum namahańniaŭ. Vycisnuŭ ź siabie ŭsio, što było. Ni hetaja pałomka aŭtobusa, ni inšyja abstaviny ŭžo nie ŭpłyvali, viesłavali z usich sił.
Heta pieršy miedal u mužčynskim akademičnym viesłavańni. Vielmi pryjemna. Pryviet usioj krainie, Krasnapollu!!! Viedaju jak za mianie zaŭzieli i pieražyvali na Mahiloŭščynie!» — skazaŭ Jaŭhien Załaty.
Siońnia biełarusy bolš nie buduć brać udziełu ŭ spabornictvach.
U kancy nastupnaha tydnia projduć spabornictvy na bajdarkach i kanoe. Biaruć udzieł Uładzisłaŭ Kryviec (bajdarka, 1000 mietraŭ) i Julija Truškina (kanoe, 200 mietraŭ). Heta taksama dyscypliny, u jakich biełarusy biaruć miedali.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio17
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary