Łukašysty prapanoŭvali palakam u abmien na vyzvaleńnie Pačobuta vydać im Łatušku — były ministr
Były ministr unutranych spraŭ i administracyi Polščy Maryjuš Kamiński ŭ intervju Telewizja Republika raskazaŭ pra pieramovy, jakija vialisia ź jahonym udziełam adnosna vyzvaleńnia ź biełaruskaj kałonii palitviaźnia Andžeja Pačobuta.
Były ministr nahadaŭ, što paśla abviaščeńnia prysudu Andreju Pačobutu Polšča zakryła pamiežny pierachod u «Babroŭnikach». Umovaj jaho adkryćcia było vyzvaleńnie Pačobuta, adnak režym Łukašenki vystupiŭ z sustrečnaj prapanovaj:
«Heta było zaachvočvańniem da pieramoŭ. My pačali pieramovy, tajemnyja pieramovy ź biełaruskim režymam. Ź ich boku była zrazumiełaja tolki ŭmova — «vy addajcie nam [Paŭła] Łatušku», adnaho ź dziejačaŭ biełaruskaj apazicyi, jaki stała žyvie ŭ Polščy, jakoha režymu zavočna asudžanaha na niekalki dziasiatkaŭ hadoŭ turmy, «na nastupny dzień my vam pieradamo Pačobuta». Vidavočna, što nie mahli pravodzić takija pieramovy», — zajaviŭ Maryjuš Kamiński.
Raniej były ministr kazaŭ, što rasijskaha ahienta Paŭła Rubcova (Pabła Hansalesa) polski bok pry im pahadziŭsia pieradać amierykancam dla abmienu, raźličvajučy na toje, što ŭ abmienny śpis z rasijskaha boku budzie ŭklučany Andrej Pačobut.
Były polski ministr: Rasijanina Rubcova Polšča pavinna była addać za Pačobuta
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?
Jahoraŭ prapanuje pryznać lehitymnaść Łukašenki, kali heta dazvolić vyzvalić palitviaźniaŭ
Łatuška: My vystupajem za toje, kab na vybarach hałasavać suprać usich
Abmienieny rasijski špijon jak minimum dva razy prychodziŭ u ofis da Łatuški
Kamientary