U Varšavie hramadzianku Biełarusi buduć sudzić za pieradaču KDB infarmacyi pra biełaruskija arhanizacyi ŭ Polščy
Taksama jana zaśviaciłasia ŭ zdymkach u porna.
U Akruhovy sud Varšavy pieradali spravu Darji Astapienki, jakaja abvinavačvajecca ŭ špijanažy na karyść Biełarusi. Pavodle viersii prakuratury, žančyna źbirała infarmacyju pra biełaruskuju apazicyju ŭ Polščy i pieradavała jaje KDB, piša Most.
Pavodle abvinavačańnia, Darja ŭ 2023 hodzie šmatkroć pieradavała KDB Biełarusi infarmacyju, datyčnuju dziejnaści, struktury i finansavańnia arhanizacyj, jakija akazvajuć padtrymku biełaruskaj apazicyi. Hetyja źviestki biełaruski režym vykarystaŭ dla prapahandy, kab abvinavacić apazicyju ŭ ekstremiźmie, a polskija śpiecsłužby — u tym, što jany zamaŭlali dyviersii na abjektach krytyčnaj infrastruktury Biełarusi.
Iłžyvaja infarmacyja nanosiła straty intaresam Polščy i jaje źniešniaj palitycy, jakaja ŭklučaje padtrymku biełaruskaj apazicyi, i viali da destabilizacyi adnosin pamiž Polščaj i Biełaruśsiu, paviedamlaje Nacyjanalnaja prakuratura Polščy.
Chto takaja Darja Astapienka
U śniežni 2023 hoda Darju Astapienka zatrymali supracoŭniki Ahienctva ŭnutranaj biaśpieki Polščy. Raniej žančyna žyła ŭ Baranavičach i z 2018 hoda kantaktavała z roznymi apazicyjnymi arhanizacyjami, cikaviłasia ich dziejnaściu i prapanoŭvała svaju dapamohu. Padčas prezidenckich vybaraŭ jana ŭziała na siabie rolu kaardynatara kampanii «Havary praŭdu».
Taksama jana zaśviaciłasia ŭ zdymkach u porna.
U 2023 hodzie žančyna pierajechała ŭ Polšču, žyła ŭ Varšavie, a paźniej u Łodzi, dzie i była aryštavanaja.
Da suda Darju ŭtrymlivajuć u izalatary. Pavodle artykuła 130 §1 Kryminalnaha kodeksa Polščy (udzieł u dziejnaści zamiežnaj raźviedki) joj pahražaje nie mienš za piać hadoŭ pazbaŭleńnia voli.
Ciapier čytajuć
Błohierka praviaraje čyściniu i jakaść praduktaŭ u minskich kramach. Padabajecca heta nie ŭsim3
Kamientary
V Rośsii dali by 20. A v Biełarusi i vovsie rasstrielali.