Vučeńni prachodziać na palihonach i ŭčastkach u Minskaj i Hrodzienskaj abłaściach.
Z 7 pa 8 žniŭnia pad kiraŭnictvam kamandujučaha vojskami Paŭnočna-zachodniaha apieratyŭnaha kamandavańnia hienierał-majora Alaksandra Basa pravodziacca kamandna-štabnyja vučeńni «Kiravańnie vojskami ŭ apieracyi apieratyŭnaha abjadnańnia», paviedamlaje Minabarony.
Padčas vučeńniaŭ buduć adpracavany pytańni:
— zabieśpiačeńnia ŭstojlivaści sistemy kiravańnia vojskami, a taksama pavyšeńnie žyvučaści punktaŭ kiravańnia;
— baraćby z dyviersijnymi hrupami supiernika i «niezakonnymi vajskovymi farmavańniami;
— płanavańnia i prymianieńnia bieśpiłotnych avijacyjnych kompleksaŭ dla viadzieńnia raźviedki, celeŭkazańnia, a taksama kompleksaŭ uzbrajeńnia z avijacyjnymi baražujučymi bojeprypasami;
— udaskanaleńnia sistemy ahniavoha paražeńnia supiernika rakietnymi vojskami i artyleryjaj.
Praktyčnyja dziejańni projduć na palihonach i ŭčastkach miascovaści na terytoryjach Minskaj i Hrodzienskaj abłaściej.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary