Pra śmierć Maryny Čykitkinaj paviedamiŭ telehram-kanał «AČK-Biełaruś».
U Maryny Čykitkinaj vyjavili ankałohiju na hlebie stresu praz paŭhoda paśla zatrymańnia synoŭ.
«Jana zmahałasia z chvarobaj i praciahvała kłapacicca pra chłopcaŭ — pastajanny kantakt z advakatami, sud, pieradačy ŭ SIZA i ŭ kałonii, pajezdki na spatkańni, listy i zvanki, skarhi na ŭmovy ŭtrymańnia», — piša «AČK-Biełaruś».
Apošni raz na spatkańniach z synami jana była hetaj viasnoj, da apošniaha čakała ich dachaty.
«Ale mocny stres, u tym liku i ad praviedzienaha pieratrusu i dopytu ŭ pieryjad masavych zatrymańniaŭ 24-25 studzienia hetaha hoda, zrabili svaju spravu — arhanizm nie vytrymaŭ i 4 žniŭnia jana pajšła z žyćcia».
34-hadovy Cimur i 30-hadovy Tamaz Pipija — futbolnyja zaŭziatary kłuba «MTZ-RIPA», abodvuch zatrymali ŭ vieraśni 2020 hoda pa padazreńni ŭ arhanizacyi masavych biesparadkaŭ 23 vieraśnia, paśla tajemnaj inaŭhuracyi Alaksandra Łukašenki.
Cimur adbyvaje termin pakarańnia 6 hadoŭ 3 miesiacy i 2 dni kałonii ŭzmocnienaha režymu ŭ Mahiloŭskaj kałonii, Tamaz — 5 hadoŭ uzmocnienaha režymu ŭ Navapołackaj kałonii. U červieni hetaha hoda stała viadoma, što Tamaz Pipija ŭtrymlivajecca ŭ pamiaškańni kamiernaha typu.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca16
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary