Ranica 8 žniŭnia: Ukraina kantraluje Sudžu, Koranieva ŭziać nie ŭdałosia, USU ruchajucca ŭ kirunku Lhova
Pieradavyja hrupy ŭkrainskich vojskaŭ sprabujuć pierarezać darohu Sudža—Lhoŭ prykładna pasiaredzinie, za 20—30 km ad miažy z Ukrainaj.
«Koranieva za nami. Pry hetym praviedzienaja poŭnaja evakuacyja cyvilnaha nasielnictva (pačałasia jašče ŭčora ŭviečary);
Sudža pa-raniejšamu pad supiernikam (byli žadańni łampasaŭ (hienierałaŭ — NN) vyzvalić jaje za noč i jak by ničoha i nie było — ale nie)», — piša telehram-kanał «Romanov Łajt».
Jon taksama zaznačaje, što ŭkraincy padciahnuli reziervy, techniku, haruča-zmazačnyja materyjały, uzmacnili SPA.
«U vypadku sustrečy surjoznaha supracivu — nie spyniajucca, a aktyŭna manieŭrujuć, abychodziačy niebiaśpiečnyja dla siabie ŭčastki», — dadaje aŭtar.
Infarmavany kanał «Rybaŕ» pa stanie na viečar 7 žniŭnia paviedamlaŭ pra intensiŭnyja bai ŭ rajonie nasielenych punktaŭ Łoknia, Małaja Łoknia, Kruhleńkaje, Mikolski, dzie rasijskija vojski stvaryli liniju abarony kirunku na horad Lhoŭ z poŭdnia.
Błohier Paźniakoŭ uranku 8 žniŭnia paviedamiŭ pra toje, što ŭkrainskija vojski ŭžo zaniali Kazačuju Łokniu i Kruhleńkaje. Jon zajaŭlaje taksama, što rasijanie abaraniajucca kala Koranieva — rajcentra na darozie Sudža—Rylsk.
Ukrainskija vajskoŭcy ranicaj u sieradu byli ŭ vioscy Iŭnica Kurskaj vobłaści, paviedamiŭ jašče adzin pravajenny telehram-kanał «Dva majora». Pa infarmacyi kanała, u vioscy było šeść ci siem tankaŭ.
Inšy z-kanał «Mih Rośsii» paviedamiŭ, što ŭkrainskija vajskoŭcy vyjšli na darohu Sudža—Lhoŭ u rajonie vioski Anastaśjeŭka. «Dva majora» pišuć, što ŭ hetaj vioscy idzie strałkovy boj.
Heta aznačaje, što pieradavyja hrupy ŭkrainskich vojskaŭ sprabujuć pierarezać darohu Sudža-Lhoŭ prykładna pasiaredzinie, za 20—30 km ad miažy z Ukrainaj.
Zachop ukraincami Rylska dazvoliŭ by im vyjści da Lhova z zachadu. A nastupny za Lhovam horad — heta Kurčataŭ z Kurskaj AES.
Varta adznačyć, što ŭ rajonie Sudžanskaj hazaraźmierkavalnaj stancyi i ŭzdoŭž mahistralnaha hazapravoda, a taksama ŭ rajonie AES rasijanie nie mohuć dazvolić sabie ŭžyvać płanirujučyja avijabomby — ich hałoŭny kozyr na hetym etapie vajny.
Zastajecca niajasnym, ci ŭkraincy majuć siły dla taho, kab pašyryć praryŭ i ci pasprabujuć jany vyjści na liniju raki Siejm i da Kurskaj AES.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?8
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3131
Kamientary