Łukašenka ŭvodzić novy artykuł u Kryminalny kodeks — da 8 hadoŭ źniavoleńnia za pahrozy byłomu prezidentu i členam jaho siamji
Na Nacyjanalnym pravavym partale źjavilisia prapanovy ŭ Kryminalny kodeks, raspracavanyja pa zahadzie Alaksandra Łukašenki.
Artykuł 366-1 Kryminalnaha kodeksu budzie nazyvacca «Hvałt albo pahroza ŭ dačynieńni da prezidenta Respubliki Biełaruś, prezidenta Respubliki Biełaruś, jaki spyniŭ vykanańnie svaich paŭnamoctvaŭ». Pryčym havorka nie tolki pra «prezidenta», ale i pra členaŭ jaho siamji.
Za hvałt u ich adras (ci pahrozy) albo paškodžańnie ich majomaści prapanujecca prysudžać ad troch da piaci hadoŭ chimii albo ad troch da vaśmi hadoŭ kałonii.
Taksama prapanujecca dapoŭnić artykuły 367 (paklop na prezidenta) i 368 (abraza prezidenta). Kali źmieny ŭstupiać u siłu, to ŭ kodeks dapišuć słovy «byłoha prezidenta».
Zakonaprajekt budzie razhladać parłamient, paśla jon trapić na podpis da Alaksandra Łukašenki.
Kamientary