Hramadstva88

«Chto hety małady čałaviek?» Miaśnikovič raspavioŭ, jak va ŭładzie zaharełasia zorka Krutoha

Michaił Miaśnikovič napisaŭ druhuju knihu miemuaraŭ «Spravy, padziei, ludzi: ułasnaje mierkavańnie». Siarod inšaha jon raskazvaje, pry jakich abstavinach staŭ zaŭvažny ciapierašni favaryt Łukašenki Dźmitryj Kruty. Historyju pierakazvaje «Lusterka».

Dźmitryj Kruty. Fota: «Naša Niva»

Miaśnikovič uzhadvaje pra «rekanstrukcyju, a faktyčna novaje budaŭnictva pradpryjemstvaŭ lasnoj i drevaapracoŭčaj pramysłovaści», jakoje mieła miesca ŭ nulavyja i dziasiatyja hady.

Čynoŭnik pryznajecca, što «ŭ ministerstvach, jakija majuć dačynieńnie da hetych budoŭlaŭ, było prachałodnaje, miakka kažučy, staŭleńnie, i łunali sumnievy ŭ metazhodnaści takoha maštabnaha budaŭnictva».

Pavodle jaho słoŭ, «na abjektach litaralna «visieli» kantralory, na vysokija stały kłalisia zapiski ab pamyłkovaści takoj maštabnaj madernizacyi haliny, rekamiendavałasia zakansiervavać budoŭli ź nizkaj hatoŭnaściu». Ale vyšejšaje kiraŭnictva (a, značyć, i sam Miaśnikovič, jaki tady byŭ premjeram) ličyła inakš.

Aparat supraciŭlaŭsia, i tamu asablivuju kaštoŭnaść nabyvali čynoŭniki, jakija vykazvali svaju padtrymku prajektu.

«U pracesie realizacyi prahramy drevaapracoŭki prajavili siabie mnohija kadry. Na šerahu płaniorak ja źviarnuŭ uvahu na surjoznaha i ŭdumlivaha pradstaŭnika Minekanomiki. Jahonyja vykazvańni i prapanovy byli vielmi aktualnymi i kanstruktyŭnymi. Chto hety małady čałaviek? Heta byŭ načalnik adnaho sa strukturnych padraździaleńniaŭ Minekanomiki Dźmitryj Mikałajevič Kruty. My paznajomilisia bližej, stali pracavać ciaśniej. Dźmitryj Mikałajevič zrabiŭ vielmi šmat karysnaha dla budaŭnictva i ŭvodu ŭ ekspłuatacyju pradpryjemstvaŭ pierapracoŭki», — pisaŭ Miaśnikovič.

Tak, kali vieryć Miaśnikoviču, pačałosia ŭzychodžańnie ŭ biełaruskaj palitycy Dźmitryja Krutoha, jaki paśla staŭ vice-premjeram, ministram ekanomiki, pieršym vice-premjeram, namieśnikam kiraŭnika Administracyi Łukašenki, pasłom u Rasii, a hetym letam uznačaliŭ usio tuju ž administracyju.

Kamientary8

  • Pravda
    13.08.2024
    Komu intieriesno anhažirovanoje mnienije etoho sovka i prisposoblena?)
    Mojša, idi na pokoj!
  • Symon
    13.08.2024
    Niepataplalny praź biaskoncuju hnutkaść pry luboj uładzie Miaśnikovič "zabyŭsia" nahadać pra vyniki madernizacyi drevaapracoŭki, jakuju jon prasunuŭ. Jana stała adzinym z najstratniejšych dla biudžeta prajektaŭ, bo jomistaści rynku adrazu było ŭ razy zamała dla stvarajemych vytvorčych mahutnaściaŭ. Ale hety prajekt źjaviŭsia vielmi prybytkovym dla tych, chto zarablaŭ čynavieckuju rentu na raźmierkavańni i zasvajeńni hetych hrošaŭ, i chto potym pryvatyzavaŭ finansavyja patoki, pakidajučy dziaržavie tolki straty. Kłasičnaja schiema łukašysckaj karupcyi - nacyjanalizacyja nieakuplalnych strataŭ i pryvatyzacyja cash flow. Zrazumieła, što Miaśnikovič, Siamaška i inšyja čalcy najbližejšaha atačeńnia Łukašenki mieli dastatkovy ŭpłyŭ, kab zabiaśpiečyć madernizacyju biudžetnymi hrošami (albo nieviartalnymi kredytami pad dziaržharantyi), i nie dazvalać kranacca hetych hrošaŭ čužyncam, ale nia mieli dastatkova času i enierhii zajmacca detalami. Tamu im byli patrebnyja maładyja i ambitnyja pamahatyja kštałtu Krutoha, jakija b kanviertavali hety ŭpłyŭ u keš dla kiraŭnikoŭ madernizacyi i biełych słanoŭ, jakich potym mahčyma było b pakazać Łukašenku, kab tyj u palityčnych metach moh zajaŭlać, jak paśpiachova jon stvaraje sučasnuju bujnuju pramysłovaść. Chaj układzienyja ŭ jaje hrošy i nikoli nia viernucca biełaruskim padatkapłatnikam.
  • Łojd Ŭeber
    13.08.2024
    Prychodźcie ŭ Bieraściejskuju filarmoniju na moj miuzykał Źmitrok Kruty Superzorka - śpiavaje, tančyć i padpalvaje Hanuśka Siałuk.
    (Adbudziecca zamiž hidkaj spadaryni Bondaravaj byłoj ŭ Kamuniście Biełoruśsii i spadaru Imia z kamentaroŭ NN Psychei)
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Marakancaŭ, jakija zładzili bojku ŭ Homieli, vysyłajuć z krainy. Pierad hetym praviali publičnuju cyrymoniju ich vysyłki

Marakancaŭ, jakija zładzili bojku ŭ Homieli, vysyłajuć z krainy. Pierad hetym praviali publičnuju cyrymoniju ich vysyłki

Usie naviny →
Usie naviny

Žanočaje zdaroŭje: što treba viedać pra dabrajakasnyja ŭtvareńni i ryzyki raku

Jak minimum adzin rasijski dron zalacieŭ nočču ŭ Biełaruś1

Bujnoha biełaruskaha rytejlera mohuć pryznać finansava niepłaciežazdolnym

TASS dvojčy mianiała zahałovak dla kamientara Ejsmant pra pieramovy ŭ Stambule8

Navat u kramie bujnoha saŭhasa, jaki hanarycca svaim uradžajem harodniny, niama bulby, morkvy, cybuli13

Prezidenckija vybary ŭ Polščy: chto asnoŭnyja favaryty i što jany kazali pra Biełaruś6

Manašak Śviata-Jelisaviecinskaha manastyra prahnali z-pad carkvy ŭ Rymie19

Na vučeńniach «Zachad-2025» buduć adpracoŭvać udary taktyčnaj jadziernaj zbrojaj i «Arešnikam»17

Muravanku Chraptovičaŭ u Ščorsach vystavili na aŭkcyjon. Kolki kaštuje2

bolš čytanych navin
bolš łajkanych navin

Marakancaŭ, jakija zładzili bojku ŭ Homieli, vysyłajuć z krainy. Pierad hetym praviali publičnuju cyrymoniju ich vysyłki

Marakancaŭ, jakija zładzili bojku ŭ Homieli, vysyłajuć z krainy. Pierad hetym praviali publičnuju cyrymoniju ich vysyłki

Hałoŭnaje
Usie naviny →

Zaŭvaha:

 

 

 

 

Zakryć Paviedamić