Грамадства88

«Хто гэты малады чалавек?» Мясніковіч распавёў, як ва ўладзе загарэлася зорка Крутога

Міхаіл Мясніковіч напісаў другую кнігу мемуараў «Справы, падзеі, людзі: уласнае меркаванне». Сярод іншага ён расказвае, пры якіх абставінах стаў заўважны цяперашні фаварыт Лукашэнкі Дзмітрый Круты. Гісторыю пераказвае «Люстэрка».

Дзмітрый Круты. Фота: «Наша Ніва»

Мясніковіч узгадвае пра «рэканструкцыю, а фактычна новае будаўніцтва прадпрыемстваў лясной і дрэваапрацоўчай прамысловасці», якое мела месца ў нулявыя і дзясятыя гады.

Чыноўнік прызнаецца, што «ў міністэрствах, якія маюць дачыненне да гэтых будоўляў, было прахалоднае, мякка кажучы, стаўленне, і луналі сумневы ў мэтазгоднасці такога маштабнага будаўніцтва».

Паводле яго слоў, «на аб'ектах літаральна «віселі» кантралёры, на высокія сталы клаліся запіскі аб памылковасці такой маштабнай мадэрнізацыі галіны, рэкамендавалася закансерваваць будоўлі з нізкай гатоўнасцю». Але вышэйшае кіраўніцтва (а, значыць, і сам Мясніковіч, які тады быў прэм'ерам) лічыла інакш.

Апарат супраціўляўся, і таму асаблівую каштоўнасць набывалі чыноўнікі, якія выказвалі сваю падтрымку праекту.

«У працэсе рэалізацыі праграмы дрэваапрацоўкі праявілі сябе многія кадры. На шэрагу планёрак я звярнуў увагу на сур'ёзнага і ўдумлівага прадстаўніка Мінэканомікі. Ягоныя выказванні і прапановы былі вельмі актуальнымі і канструктыўнымі. Хто гэты малады чалавек? Гэта быў начальнік аднаго са структурных падраздзяленняў Мінэканомікі Дзмітрый Мікалаевіч Круты. Мы пазнаёміліся бліжэй, сталі працаваць цясней. Дзмітрый Мікалаевіч зрабіў вельмі шмат карыснага для будаўніцтва і ўводу ў эксплуатацыю прадпрыемстваў перапрацоўкі», — пісаў Мясніковіч.

Так, калі верыць Мясніковічу, пачалося ўзыходжанне ў беларускай палітыцы Дзмітрыя Крутога, які пасля стаў віцэ-прэм'ерам, міністрам эканомікі, першым віцэ-прэм'ерам, намеснікам кіраўніка Адміністрацыі Лукашэнкі, паслом у Расіі, а гэтым летам узначаліў усё тую ж адміністрацыю.

Каментары8

  • Правда
    13.08.2024
    Кому интересно ангажированое мнение этого совка и приспособлена?)
    Мойша, иди на покой!
  • Сымон
    13.08.2024
    Непатапляльны праз бясконцую гнуткасць пры любой уладзе Мясніковіч "забыўся" нагадаць пра вынікі мадэрнізацыі дрэваапрацоўкі, якую ён прасунуў. Яна стала адзіным з найстратнейшых для бюджэта праектаў, бо ёмістасці рынку адразу было ў разы замала для ствараемых вытворчых магутнасцяў. Але гэты праект з'явіўся вельмі прыбытковым для тых, хто зарабляў чынавецкую рэнту на размеркаванні і засваенні гэтых грошаў, і хто потым прыватызаваў фінансавыя патокі, пакідаючы дзяржаве толькі страты. Класічная схема лукашысцкай карупцыі - нацыяналізацыя неакупляльных стратаў і прыватызацыя cash flow. Зразумела, што Мясніковіч, Сямашка і іншыя чальцы найбліжэйшага атачэння Лукашэнкі мелі дастатковы ўплыў, каб забяспечыць мадэрнізацыю бюджэтнымі грошамі (альбо невяртальнымі крэдытамі пад дзяржгарантыі), і не дазваляць кранацца гэтых грошаў чужынцам, але ня мелі дастаткова часу і энергіі займацца дэталямі. Таму ім былі патрэбныя маладыя і амбітныя памагатыя кшталту Крутога, якія б канвертавалі гэты ўплыў у кэш для кіраўнікоў мадэрнізацыі і белых сланоў, якіх потым магчыма было б паказаць Лукашэнку, каб тый у палітычных мэтах мог заяўляць, як паспяхова ён стварае сучасную буйную прамысловасць. Хай укладзеныя ў яе грошы і ніколі ня вернуцца беларускім падаткаплатнікам.
  • Лойд Ўэбэр
    13.08.2024
    Прыходзьце ў Берасьцейскую філярмонію на мой мюзыкал Зьмітрок Круты Супэрзорка - спявае, танчыць і падпальвае Гануська Сялук.
    (Адбудзецца заміж гідкай спадарыні Бондаравай былой ў Камунісьце Белоруссіі і спадару Імя з камэнтароў НН Псыхэі)
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе45

«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе

Усе навіны →
Усе навіны

Смерць удовам. Археолаг расказаў пра знаходку, якая сведчыць пра жудасны звычай першых славян на Беларусі29

Бум на матчу па ўсім свеце: попыт расце, запасы змяншаюцца5

Пяць парад, як проста пазбавіцца ад паху і плям поту на адзенні3

Расіяне тры гадзіны білі па Харкаве КАБамі, балістыкай і шахедамі. Здзейснена камбінаваная атака на Дняпро2

«Купалаўцы» анансавалі пачатак новага тэатральнага сезона1

Пасажырка «не ўклалася ў таймінг» падчас санітарнага прыпынку — міжнародны аўтобус паехаў без яе5

Стаў вядомы лёс збеглых дзікабразаў у Рэчыцкім раёне2

Берасцеец увозіў у Польшчу бярозавае палена. Аказалася, гэта костка маманта2

Выдаліў акаўнт, пачысціў тэхніку — і ўсё адно прыйшлі. Мікіта Лосік расказаў, як яго вылічылі сілавікі25

больш чытаных навін
больш лайканых навін

«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе45

«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе

Галоўнае
Усе навіны →

Заўвага:

 

 

 

 

Закрыць Паведаміць