Varjackaje daśledavańnie pravodzicca ŭ ZŠA. Dośledy na myšach pakazali dziŭnuju paśpiachovaść.
Jak paviedamlaje Daily Mail, urad ZŠA praz Nacyjanalny instytut achovy zdaroŭja vydzieliŭ hrant na raspracoŭku chirurhičnaj apieracyi pa adnaŭleńni paškodžanaj mazhavoj tkanki z dapamohaj «niejronnych» stvałavych kletak, vyhadavanych u łabaratoryi.
Vydańnie adznačaje, što raniej hety mietad užo prademanstravaŭ svaju pierśpiektyŭnaść u dośledach na myšach. Pavodle daśledavańnia, vyniki jakoha apublikavanyja ŭ časopisie Bioengineering, łabaratornyja myšy z paškodžańniami hałaŭnoha mozhu prajšli praceduru, u čas jakoj navukoŭcy ŭvodzili stvałavyja kletki ŭ starejučy mozh myšej.
Stvałavyja kletki vyroščvalisia z dapamohaj kletkavaj kultury, jakaja ŭklučaje ŭ siabie vyłučeńnie kletak z embryjona i źmiaščeńnie ich u čašu Pietry z takimi pažyŭnymi rečyvami, jak vitaminy, aminakisłoty, hlukoza i soli.
Vyniki dośledaŭ na myšach pakazali, što pierasadžanyja donarskija kletki mozhu stali «elektrafizijałahična aktyŭnymi», heta značyć pačali hienieravać elektryčnyja impulsy i ŭzajemadziejničać z mozham myšy-haspadyni.
Bolš za toje, jany pačali reahavać na «vizualnyja stymuły» ŭžo za miesiac paśla transpłantacyi. Inšymi słovami, maładyja kletki chutka vyśpiavali ŭ śpiecyjalizavanyja kletki, jakija byli hatovyja vykonvać svaju novuju rolu ŭ mozhu myšy.
Bolš za toje, jak adznačajuć aŭtary daśledavańnia, atrymanyja ŭ vyniku transpłantacyi niejrony spantanna aktyvavalisia, intehravalisia ŭ funkcyjanalnyja sietki ŭ mozhu bieź nieabchodnaści dadatkovaj pracy z boku chirurhaŭ.
Paśpiachovyja papiarednija vyniki pasłužyła padstavaj dla taho, kab amierykanski ŭrad daŭ dazvoł na pierachod da vyprabavańniaŭ na prymatach, pierš čym pierajści da ludziej.
Jak adznačaje vydańnie, niahledziačy na šmatabiacalnyja pośpiechi, niekatoryja navukoŭcy vykazvajuć skieptycyzm adnosna taho, što dadzieny mietad pasłužyć šturškom da novaj ery čałaviečaj nieśmiarotnaści z-za surjoznaści chirurhičnaha ŭmiašańnia. U toj ža čas vykazvajecca ŭpeŭnienaść, što jon moža stać srodkam lačeńnia spadčynnych kahnityŭnych prablem.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary
Tak i nie zrazumieŭ, čamu adnaŭleńnie mozha heta "padman śmierci"? Razmova tolki pra častku mozha.
Pryhadvaju viadomy komiks "Navukoviec zhvałtavaŭ žurnalista".