Valeryj Sachaščyk: Napad Polščy na Biełaruś — heta poŭny nonsens z punktu hledžańnia łohiki
Palityk i były vajskoviec Valeryj Sachaščyk u intervju «Biełsatu» patłumačyŭ, što staić za słovami Alaksandra Łukašenki, jaki čarhovym razam abvinavaciŭ Polšču ŭ namierach napaści na Biełaruś.
«Napad Polščy na Biełaruś abo Rasiju — heta poŭny nonsens z punktu hledžańnia łohiki. Polščy niama čaho vajavać, heta ščaślivaja raźvitaja demakratyja, a kali ludzi zadavoleny svaim žyćciom, to mienš za ŭsio na śviecie jany chočuć na kahości napadać», — skazaŭ jon.
Pavodle jaho słoŭ, za pastajannymi abvinavačvańniami susiednich krainaŭ z boku ŭładaŭ Rasiei i Biełarusi chavajucca praviły vajskovaj prapahandy, «jany ŭniviersalnyja i dobra viadomyja śpiecyjalistam, apisanyja ŭ śpiecyjalnaj litaratury, naprykład, u viadomaj pracy Hanny Mareli «Elemientarnyja pryncypy vajennaj prapahandy».
«Dyk voś, jość dva praviły vajennaj prapahandy, jakija dobra tłumačać, što staić za abvinavačvańniami ŭ adras Polščy. Pieršaje hučyć prykładna tak: «Adkaznaść za hetuju vajnu niasie tolki naš supiernik!» Druhoje: «My nie žadajem vajny, my tolki abaraniajemsia!» Mienavita pa hetym lakale i dziejničajuć Pucin i Łukašenka.
Vajnu ŭ 2022 hodzie raźviazaŭ Kreml dziakujučy padtrymcy Łukašenki, adnak adkaznaść za hetuju vajnu ŭvieś čas sprabujuć pierakłaści na NATO, kalektyŭny Zachad, [prezidenta ZŠA Džo] Bajdena i hetak dalej: «Heta nie my, heta ŭsie jany vinavatyja! Kali b my nie napali, dyk napali b jany! Na Biełaruś rychtavałasia/rychtujecca napad!!» Tym samym dla achviar prapahandy stvarajecca pa sutnaści paralelnaja realnaść, u jakoj Łukašenka i Pucin za mir i ź ciažkim sercam uzmacniajuć svajo vojska, bo ich pravakuje vonkavy supiernik, naprykład, Polšča», — skazaŭ Sachaščyk.
Surazmoŭca padkreśliŭ, što vajennaja prapahanda pracuje na dźvie aŭdytoryi. Adna ź ich — heta mižnarodnaja hramadskaść, druhaja — heta hramadzianie Biełarusi i Rasii, «jakich aščadna źmiaščajuć u atmaśfieru vajennaha psichozu».
«Tym samym ich padachvočvajuć biaźmiežna padtrymlivać lubyja, samyja amaralnyja i niedalnabačnyja dziejańni ŭładaŭ až da ŭdziełu ŭ vajennych dziejańniach. Heta datyčyć pieradusim Rasiei, jakaja za košt takoj prapahandy sprabuje pavialičyć kolkaść dobraachvotnikaŭ», — zajaviŭ palityk.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary
Ci nie padajecca vam, čto čaho biełaruskaje hramadstva zaraz mieniej za ŭsio čakaje ad vas - dyk heta "raźminavańnia" supiarečlivych zajavaŭ adčajana piatlajučaha Łukašenki?