ES vystupiŭ z zajavaju nakont vyzvaleńnia niekalkich palitviaźniaŭ u Biełarusi
ES «pryniaŭ da viedama» vyzvaleńnie šerahu palitviaźniaŭ u Biełarusi i zaklikaŭ vyzvalić astatnich. Zajavu apublikavała Jeŭrapiejskaja słužba źniešnich suviaziaŭ.
«Jeŭrasajuz prymaje da ŭvahi vyzvaleńnie ŭ Biełarusi niekalkich palitviaźniaŭ, asudžanych za ŭdzieł u mirnych akcyjach pratestu paśla falsifikavanych prezidenckich vybaraŭ 2020 hoda. My padzialajem palohku i radaść vyzvalenych ludziej i ich siemjaŭ.
My taksama prymajem da ŭvahi toj fakt, što niekatoryja z vyzvalenych byli źniavolenymi, jakija patrabujuć terminovaj miedycynskaj dapamohi, i zaklikajem ułady zabiaśpiečyć usim źniavolenym naležnuju miedycynskuju dapamohu», — havorycca ŭ zajavie.
ES praciahvaje zaklikać biełaruskija ŭłady nieadkładna i biezumoŭna vyzvalić usich palityčnych źniavolenych, jakija časta znachodziacca ŭ niebiaśpiečnych dla žyćcia ŭmovach.
«U Biełarusi zastajucca bolš za 1300 palitviaźniaŭ, u tym liku Siarhiej Cichanoŭski, Ihar Łosik, Maryja Kaleśnikava, Mikałaj Statkievič, Maksim Znak i Viktar Babaryka, jakija ŭžo bolš za 18 miesiacaŭ pazbaŭlenyja mahčymaści kamunikacyi sa źniešnim śvietam», — źviartaje ŭvahu ES.
16 žniŭnia Alaksandr Łukašenka padpisaŭ ukaz ab pamiłavańni 30 palitviaźniaŭ — 14 žančyn i 16 mužčyn. Pravaabaroncam viadoma ab 22 vyzvalenych palityčnych źniavolenych.
-
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
-
Dziasiatki hadoŭ ekśpiedycyj u adnym jutub-kanale. U Biełarusi prezientavali videarchiŭ Mikoły Kozienki z narodnymi tancami i abradami
-
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?2020
Kamientary
Pokojnik Makiej etim "tupariam" každyj raz vtirał : NU VY ŽIE PONIMAJETIE, MY MOŁODOJE DIEMOKRATIČIESKOJE HOSUDARSTVO, TAK I TAK. vY VOT SVOJU DIEMOKRATIJU STROILI SOTNI LET I U NAS MOHUT BYŤ KAKIJE-TO OŠIBKI.
PS/ i pod etim sousom opravdyvał nievklučienije oppov v sostav učastkovych komiśsij, čtoby nie daj Boh na osnovanii st.72 IK nie podpisali vsie biulletieni na obratnoj storonie.