Što viadoma pra 18-hadovaha chłopca, jakoha sudziać za zabojstva i akt teraryzmu
Alaksieju Fiedzičkinu moža pahražać až da rasstrełu, ale absalutna niezrazumieła, kaho jon usio ž zabiŭ.
Zhodna ź infarmacyjaj prajekt Digital intelligence team, Alaksiej Fiedzičkin naradziŭsia ŭ 2006 hodzie ŭ Asipovičach.
Alaksiej zaŭvažany tolki ŭ adnoj publikacyi ŭ internecie — u «Kamsamolskaj praŭdzie». Razam z baćkam chłopiec jeździŭ u Bierlin, kab dakranucca da nadpisu na Rejchstahu, jaki pakinuŭ jaho pradzied, Alaksandr Fiedzičkin.
Pradzied Alaksandr byŭ kavalerystam. Za prajaŭlenuju ŭ bajach mužnaść byŭ uznaharodžany ordenam Čyrvonaj zorki, Ajčynnaj vajny II i I stupieni, miedalami «Za bajavyja zasłuhi», «Za advahu», «Za ŭziaćcie Varšavy» i «Za ŭziaćcie Bierlina».
Paśla vajny jaho nakiravali słužyć u Chojniki, dzie jon paznajomiŭsia ź Ninaj — budučaj prababulaj chłopca. Paśla słužyŭ u Asipovičach, dzie ŭ 1972 hodzie vyjšaŭ na piensiju.
Viadoma, što na hety momant Alaksiej paśpieŭ skončyć tolki škołu. Z archiŭnaj viersii jaho staronki Ukantakcie viadoma, što chłopiec lubić futboł. Usie sacsietki Fiedzičkina ŭ niejki momant byli vydalenyja, ale ŭ archiŭnych viersijach niama ničoha padazronaha.
Data zatrymańnia chłopca nieviadomaja, jak i sutnaść abvinavačańnia.
Fiedzičkina abvinavačvajuć pa troch artykułach — «zabojstva» (č. 2 art. 139 KK), «akt teraryzmu» (č. 3 art. 289 KK) i «niezakonnyja dziejańni adnosna zbroi, bojeprypasaŭ i vybuchovych rečyvaŭ» (č. 4 art. 295). Jamu pahražaje ad dziesiaci hadoŭ až da śmiarotnaha pakarańnia.
Situacyj, kali čałaviek zabivaje inšaha čałavieka — ci vypadkova, ci paśla bytavoha kanfliktu — chapaje. Ale ŭ vypadku Fiedzičkina źviartaje na siabie ŭvahu spałučeńnie zabojstva z «aktam teraryzmu» i vykarystańniem zbroi ci vybuchoŭki. Teraryzmam ciapier mohuć nazvać što zaŭhodna, ale za apošni čas nie paviedamlałasia ni pra jakija dyviersii, jakija pryvodzili b da čałaviečych achviaraŭ. Naprykład, navat niemcu Ryka Kryhieru inkryminavali «akt teraryzmu» — ale ž biez zabojstva.
Sud nad Fiedzičkinym pačaŭsia 22 žniŭnia ŭ Minskim haradskim sudzie.
Sudzić jaho Michaił Makarevič. Jon prysudziŭ tolki pa viadomych administratyŭkach kala 1800 sutak aryštu i 29000 rubloŭ štrafaŭ. Sudziŭ jon ludziej i pa bolš čym 30 palityčnych kryminałkach. A raniej pracavaŭ u Śledčym kamitecie.
«Naša Niva» — bastyjon biełaruščyny
PADTRYMAĆU Minsku za akt teraryzmu i zabojstva buduć sudzić 18-hadovaha chłopca — akaličnaści spravy nieviadomyja
Prapahanda pakazała film pra Kryhiera. Ź jaho vynikaje, što niemca moh razyhrać KDB, a pytańniaŭ bolej, čym adkazaŭ
KDB moža prapanoŭvać ludziam supracu pad vyhladam ukraincaŭ. Analiz filma pra «terarystaŭ, jakich viało SBU»
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j15
Kamientary